ଏପର୍ଯ୍ୟନ୍ତ ସୁଦ୍ଧା ୧୫୦ କୋଟି ଟଙ୍କାର ଗଞ୍ଜେଇ ଗଛ ନଷ୍ଟ

ବାଲିଗୁଡା:  ବାଲିଗୁଡାରେ ମିସନ୍ କ୍ଲିନ୍ ଗଞ୍ଜେଇ ଅଭିଯାନ ଜାରି । ବିଭିନ୍ନ ସ୍ଥାନରେ କରାଯାଉଛି ଗଞ୍ଜେଇ ଗଛ ନଷ୍ଟ । ସେହିଭଳି ଆଜି ପୁଣି ୧୭୦ଏକର ଜଙ୍ଗଲ ଜମିରେ ବେଆଇନ୍ ଗଞ୍ଜେଇ ଗଛ ନଷ୍ଟ କଲା ଜିଲ୍ଲା ପୋଲିସ୍ ଓ ଅବକାରୀ ବିଭାଗର ମିଳିତ ଟିମ୍  । ବୁଡାଗୁଡ଼ା ପଞ୍ଚାୟତର ବୌଦୁଙ୍ଗିଆ,ରୁତୁଙ୍ଗିଆ ଓ ସାକୁସବାଲି ଅଞ୍ଚଳରେ ୧୭କୋଟି ଟଙ୍କାର ଗଞ୍ଜେଇ ଗଛ ନଷ୍ଟ  ।

ଲଗାତାର ଭାବେ କନ୍ଧମାଳ ଜିଲ୍ଲାରେ ବେଆଇନ୍ ଗଞ୍ଜେଇ ଚାଷ ନଷ୍ଟ କରୁଛି ଅବକାରୀ ବିଭାଗ  । ଗତ ୨୭ ଦିନ ମଧ୍ୟରେ ବାଲିଗୁଡ଼ା ଅଞ୍ଚଳରେ ୧୫ଶହ ଏକର ଜମିରୁ ବେଆଇନ୍ ଗଞ୍ଜେଇ ଚାଷ ପୋଡି ନଷ୍ଟ କରିଛି ମିଳିତ ଟିମ୍ । ଯାହାର ଆନୁମାନିକ ମୂଲ୍ୟ ୧୫୦ କୋଟି ହେବ ବୋଲି ପୋଲିସ୍ ସୂଚନା ଦେଇଛି  ।