ଦ୍ୱିତୀୟ ଦିନରେ ଭିଜିଲାନ୍ସ ରେଡ୍: ସହକାରୀ ଯନ୍ତ୍ରୀଙ୍କ ଲକ୍ରରୁ ମିଳିଲା ୧୪ଲକ୍ଷ ଟଙ୍କା
ସୁନାବେଡା: ସହକାରୀ ଯନ୍ତ୍ରୀଙ୍କ ଘରେ ଦ୍ୱିତୀୟ ଦିନର ମାରଥନ ରେଡ୍ । ଆଜି କୁବେର ମନୋଜ ପାତ୍ରଙ୍କ ବ୍ୟାଙ୍କ ଲକରରୁ ମିଳିଲା ନଗଦ ୧୪ ଲକ୍ଷ ୬୧ ଟଙ୍କା ସହ ଲକ୍ଷ୍ୟାଧିକ ଟଙ୍କାର ସୁନା ଅଳଙ୍କାର । ୩୭୦ ଗ୍ରାମ ସୁନା ସହ ୨୯୦ ଗ୍ରାମର ରୁପା ଅଳଙ୍କାର ଜବତ କରିଛି ଭିଜିଲାନ୍ସ । ଏହା ସହ ଭୁବନେଶ୍ୱର, ବ୍ରହ୍ମପୁର , ପାରଳାଖେମୁଣ୍ଡି, ସୁନାବେଢାରେ ଥିବା ଫ୍ଲାଟ, ପ୍ଲଟ ଠାବ କରିଛି ଭିଜିଲାନ୍ସ ।
ଗତକାଲି ମଧ୍ୟ ରେଡ ବେଳେ ମନୋଜ ପାତ୍ରଙ୍କ ବାସଭବନରୁ ନଗଦ ୧୪ ଲକ୍ଷ ଟଙ୍କା ଜବତ କରିଥିଲା କୋରାପୁଟ ଭିଜିଲାନ୍ସ । ଏହିସବୁ ଅଚଳାଚଳ ସମ୍ପତ୍ତିର ଆକଳନ କରୁଛି ଭିଜିଲାନ୍ସ । ଲକରରୁ ମିଳିଥିବା କାଗଜପତ୍ରକୁ ନେଇ ଭୁବନେଶ୍ୱର ସ୍ଥିତ କୋଳିଳା ପ୍ୟାଲେସରେ ଥିବା ଫ୍ଲାଟରେ ମନୋଜଙ୍କୁ ପଚରାଉଚରା କରାଯାଉଛି । ରେଡରେ ସାମିଲ ହୋଇଛନ୍ତି ୮ ଜଣ ଡିଏସପି, ୫ ଜଣ ଆଇଆସି ଓ ଭିଜିଲାନ୍ସ କର୍ମଚାରୀ ।
