ଓଡ଼ିଶା ମୋ-ପରିବାର ଜୀବନ ବିନ୍ଦୁ ଶିବିରରୁ ୧୪୭୭ ୟୁନିଟ୍ ରକ୍ତ ସଂଗୃହୀତ

1 min read
1477 Unit Blood Collected By Odisha Mo-Parivar Jeeban Bindu

ଭୁବନେଶ୍ୱର: ଓଡ଼ିଶା ମୋ-ପରିବାର ଜୀବନ ବିନ୍ଦୁ ଆନୁକୂଲ୍ୟରେ ରାଜ୍ୟର ବିଭିନ୍ନ ସ୍ଥାନରେ ରକ୍ତଦାନ ଶିବିରମାନ ଆୟୋଜନ ହୋଇ ସମୁଦାୟ ୧୪୭୭ ୟୁନିଟ୍ ରକ୍ତ ସଂଗ୍ରହ ହୋଇଛି ।

1477 Unit Blood Collected By Odisha Mo-Parivar Jeeban Bindu

ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଭୁବନେଶ୍ୱରର ବିଭିନ୍ନ ସ୍ଥାନରେ ୪ଟି ସ୍ଥାନରେ ରକ୍ତଦାନ ଶିବିର ଆୟୋଜନ କରିଥିଲେ । ସେଥିମଧ୍ୟରୁ ନୟାପଲ୍ଲୀ ୱାଇଏମସିଏରୁ ୩୬୦ ୟୁନିଟ୍ ସତ୍ୟନଗର ବ୍ଲାଇଣ୍ଡ ଆସୋସିଏସନରୁ ୩୦୦ ୟୁନିଟ୍, ଗଣେଶ ମଣ୍ଡପ ୟୁନିଟ-୧ରୁ ୧୩୧ ୟୁନିଟ୍ ଏବଂ ଏଏସଜିଆଇ ଆଇ ହସ୍ପିଟାଲ ଠାରେ ଅନୁଷ୍ଠିତ ଶିବିରରୁ ୩୨୫ ୟୁନିଟ୍ ରକ୍ତ ସଂଗୃହୀତ କରାଯାଇଛି । ସତ୍ୟନଗର ବ୍ଲାଇଣ୍ଡ ଆସୋସିଏନ୍ ଠାରେ ଅନୁଷ୍ଠିତ ରକ୍ତଦାନ ଶିବିରରୁ ସାତଜଣ ଭିନ୍ନକ୍ଷମ ସ୍ୱଇଚ୍ଛାରେ ରକ୍ତଦାନ କରି ଉଦାହରଣ ସୃଷ୍ଟି କରିଛନ୍ତି । ସେମାନଙ୍କ ମଧ୍ୟରୁ ଦୁଇଜଣ ଦୃଷ୍ଟିହୀନ ହୋଇଥିବା ବେଳେ ଜଣେ ମୂକ ବଧିର ଏବଂ ଦୁଇଜଣ ଶାରୀରିକ ଭିନ୍ନକ୍ଷମ ଅଟନ୍ତି । ସେମାନେ ସେଠାରେ ଉପସ୍ଥିତ ସମସ୍ତଙ୍କ ପାଇଁ ପ୍ରେରଣାର ଉତ୍ସ ପାଲଟି ଥିଲେ । ସମସ୍ତେ ଯୋଗ୍ୟ ବ୍ୟକ୍ତି ଆଗକୁ ଆସି ରକ୍ତଦାନ ଭଳି ମହତ କାର୍ଯ୍ୟ କରନ୍ତୁ ବୋଲି ସେମାନେ ସେଠାରେ ମତବ୍ୟକ୍ତ କରିଥିଲେ ।

1477 Unit Blood Collected By Odisha Mo-Parivar Jeeban Bindu

ଭୁବନେଶ୍ୱରରେ ଅନୁଷ୍ଠିତ ଏହି ୪ଟି ଶିବିର ଗୁଡ଼ିକରେ ରାଜ୍ୟସଭା ସାଂସଦ ଅମର ପଟ୍ଟନାୟକ, ମୁଜିବୁଲ୍ଲା ଖାଁ, ଓଡ଼ିଶା ମୋ-ପରିବାରର ଆବାହକ ଅରୂପ ପଟ୍ଟନାୟକ, ବଡ଼ମ୍ବା ବିଧାୟକ ଦେବୀପ୍ରସାଦ ମିଶ୍ର, କେନ୍ଦ୍ରାପଡ଼ା ବିଧାୟକ ଶଶୀ ଭୂଷଣ ବେହେରା, ମହାକାଳପଡ଼ା ବିଧାୟକ ଅତନୁ ସବ୍ୟସାଚୀ ନାୟକ, ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ ରାଉତ, କଟକ ବାଙ୍କି ବିଧାୟକ ଦେବୀରଞ୍ଜନ ତ୍ରିପାଠୀ, ଭୁବନେଶ୍ୱର କାର୍ଯ୍ୟକାରୀ ସଭାପତି ବିରଞ୍ଚି ନାରାୟଣ ମହାସୁପକାର ପ୍ରମୁଖ ଯୋଗ ଦେଇ ରକ୍ତଦାତା ମାନଙ୍କୁ ଉତ୍ସାହିତ କରିବା ସହ ସେମାନଙ୍କୁ ଜୀବନ ବିନ୍ଦୁ ଅଭିନନ୍ଦନ ପତ୍ର ପ୍ରଦାନ କରିଥିଲେ । ଏହି ଶିବିର ଗୁଡ଼ିକୁ ଭୁବନେଶ୍ୱର ମଧ୍ୟ ସଂଯୋଜକ ନବ କିଶୋର ବେହେରା ସଂଯୋଜନା କରିଥିଲେ ।

1477 Unit Blood Collected By Odisha Mo-Parivar Jeeban Bindu

ସେହିପରି ବରଗଡ଼ ଟାଉନ୍ ଠାରେ ବିଧାୟକ ଦେବେଶ ଆଚାର୍ଯ୍ୟଙ୍କ ତତ୍ୱାବଧାନରେ ଏକ ସ୍ୱତନ୍ତ୍ର ଶିବିର ଅନୁଷ୍ଠିତ ହୋଇଛି । କେବଳ ମହିଳାମାନେ ରକ୍ତଦାନ କରିଥିବା ଏହି ଶିବିରରୁ ୪୧ ୟୁନିଟ୍ ରକ୍ତ ସଂଗ୍ରହ ହୋଇଛି । ଶିବିରକୁ ଅତାବିରା ବିଧାୟିକା ତଥା ବିଜୁ ମହିଳା ଜନତା ଦଳ ସଭାନେତ୍ରୀ ସ୍ନେହାଙ୍ଗିନୀ ଛୁରିଆ ଉଦଘାଟନ କରିଛନ୍ତି ।

1477 Unit Blood Collected By Odisha Mo-Parivar Jeeban Bindu

କଟକ ବାଙ୍କି ବିଧାୟକ ଦେବୀ ରଞ୍ଜନ ତ୍ରିପାଠୀଙ୍କ ଦ୍ୱାରା କଟକ ବାରବାଟୀ ଷ୍ଟାଡିୟମ ଠାରେ ଆୟୋଜିତ ଅନ୍ୟ ଏକ ଶିବିରରୁ ୮୫ ୟୁନିଟ୍ ରକ୍ତ ସଂଗ୍ରହ ହୋଇଛି । ଏହି ଶିବିରକୁ ଓଡ଼ିଶା ମୋ-ପରିବାର ଆବାହକ ଅରୂପ ପଟ୍ଟନାୟକ, ବଡ଼ମ୍ବା ବିଧାୟକ ଦେବୀ ପ୍ରସାଦ ମିଶ୍ର, ମହାକାଳପଡ଼ା ବିଧାୟକ ଅତନୁ ସବ୍ୟସାଚୀ ନାୟକ ଏବଂ କଟକ ବାରବାଟୀର ପୂର୍ବତନ ବିଧାୟକ ଦେବାଶିଷ ସାମନ୍ତରାୟ ପ୍ରମୁଖ ଉପସ୍ଥିତ ରହି ରକ୍ତଦାତାମାନଙ୍କୁ ଉତ୍ସାହିତ କରିବା ସହ ଅଭିନନ୍ଦନ ପତ୍ର ପ୍ରଦାନ କରିଥିଲେ । କଟକ ନଗର ସଂଯୋଜକ ରଞ୍ଜନ ବିଶ୍ୱାଳ ଶିବିରକୁ ସଂଯୋଜନା କରିଥିଲେ । ଅନ୍ୟ ଶିବିର ମଧ୍ୟରୁ ଗଞ୍ଜାମ ଜିଲ୍ଲା କୋଳଥିଆଗାଁ ଶିବିରରୁ ୬୨ ୟୁନିଟ୍, ରାୟଗଡ଼ା ଜିଲ୍ଲା ନିଉ ଟାଉନ୍ ଶିବିରରୁ ୬୧ ୟୁନିଟ୍, ପୁରୀ ଜିଲ୍ଲା ଗୋପ ଶିବିରରୁ ୪୨ ୟୁନିଟ୍, ବାଲେଶ୍ୱର ଜିଲ୍ଲା ପଥରପେଣ୍ଟା ଶିବିରରୁ ୪୦ ୟୁନିଟ୍ ସଂଗ୍ରହ ହୋଇଥିବା ବେଳେ କେନ୍ଦ୍ରାପଡ଼ା ଜିଲ୍ଲା ମହିଷାସୁର ପଞ୍ଚାୟତରେ ଅନୁଷ୍ଠିତ ଶିବିରରୁ ୩୦ ୟୁନିଟ୍ ରକ୍ତ ସଂଗୃହୀତ ହୋଇ ସର୍ବମୋଟ ରକ୍ତ ସଂଗହ ହୋଇଛି । ସମସ୍ତ ରକ୍ତଦାତା ତଥା ଆୟୋଜକମାନଙ୍କୁ ଓଡ଼ିଶା-ମୋ ପରିବାର ତରଫରୁ ଧନ୍ୟବାଦ ଅର୍ପଣ କରାଯାଇଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner