ରାଜ୍ୟରେ ୧୪୩ କରୋନା ପଜିଟିଭ୍… କ୍ୱାରେଣ୍ଟାଇନରୁ୧୩୭, ଲୋକାଲ୍ କେସ୍ ୬

1 min read
143 covid 19 cases detected in odisha today

ଭୁବନେଶ୍ୱର: ବୋଲ ମାନୁନି କରୋନା ଭୂତାଣୁ । ଦେଶ ସହ ରାଜ୍ୟରେ ବଢିଚାଲିଛି କରୋନା ସଂକ୍ରମଣ ସଂଖ୍ୟା । ରାଜ୍ୟରେ ଆଜି ୧୭ ଜିଲ୍ଲାରୁ ଆଉ ୧୪୩ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ୧୩୭, ଲୋକାଲ୍‌ କେସ୍‌ ୬ ପଜିଟିଭ୍‌ ହୋଇଥିବା ବେଳେ ରାଜ୍ୟରେ ମୋଟ୍‌ ସଂକ୍ରମଣ ସଂଖ୍ୟା ୫୩୦୩ କୁ ବୃଦ୍ଧି ହୋଇଛି। ଗଞ୍ଜାମରୁ ସର୍ବାଧିକ ୩୨ ପଜିଟିଭ୍‌ ଚିହ୍ନଟ ହୋଇଥିବା ବେଳେ କଟକରୁ ୨୦, ଖୋର୍ଦ୍ଧାରୁ ୧୬ ପଜିଟିଭ୍‌ ଚିହ୍ନଟ ହୋଇଛନ୍ତି।

ବାଲେଶ୍ୱର ଓ ନୟାଗଡ଼ରୁ ୧୩ ଜଣ ଲେଖାଏଁ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ସୁନ୍ଦରଗଡ଼ରୁ୧୨, କେନ୍ଦ୍ରାପଡ଼ାରୁ ୧୦ ପଜିଟିଭ୍‌ ଆସିଛନ୍ତି। କଳାହାଣ୍ଡିରୁ ୬, ସମ୍ବଲପୁରରୁ ୫, ଭଦ୍ରକରୁ ୪, ଢେଙ୍କାନାଳରୁ ୩୬ କେନ୍ଦୁଝରରୁ ୨ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ସେହିପରି ଅନୁଗୁଳ, ଝାରସୁଗୁଡ଼ା, ବରଗଡ଼, ବଲାଙ୍ଗିର, ବରଗଡ଼ ଓ ଜଗତସିଂହପୁରରୁ ଜଣେ ଲେଖାଏଁ ପଜିଟିଭ୍‌ ଚିହ୍ନଟ ହୋଇଛନ୍ତି। ଏନଡିଆରଏଫ୍‌ରୁ ୨ ଯବାନ କରୋନା ପଜିଟିଭ୍‌ ଚିହ୍ନଟ ହୋଇଥିବା ବେଳେ ସେମାନେ ଅମ୍ଫାନ ମୁକାବିଲା ପାଇଁ ପଶ୍ଚିମବଙ୍ଗ ଯାଇଥିଲେ ।

ଏଥିସହ ଗଞ୍ଜାମ ଜିଲ୍ଲାରୁ ୨ କରୋନା ଯୋଦ୍ଧା ପଜିଟିଭ ଚିହ୍ନଟ ହୋଇଛନ୍ତି । ଭଂଜନଗର ଓ ଆସ୍କାରୁ ଜଣେ ଲେଖାଏଁ କରୋନା ଯୋଦ୍ଧା ଭୂତାଣୁ ସଂକ୍ରମିତ ହୋଇଛନ୍ତି । ଗଞ୍ଜାମରେ ଆଉ ୩୨ ପଜିଟିଭ ଚିହ୍ନଟ ନେଇ ଜିଲ୍ଲା ପ୍ରଶାସନର ସୂଚନା ଦେଇଛନ୍ତି । ଗଞ୍ଜାମରେ ମୋଟ୍‌ କରୋନା ସଂକ୍ରମିତଙ୍କ ସଂଖ୍ୟା ୯୨୫ ଜଣ ଚିହ୍ନଟ ହୋଇଛନ୍ତି । ଏଥିସହ ସେଠାରେ ୬୭୦ ଜଣ ସୁସ୍ଥ ହୋଇଥିବା ବେଳେ ୨୪୮ ଆକ୍ଟିଭ୍‌ କେସ୍‌ ରହିଛି। ଗଞ୍ଜାମରେ କରୋନାରେ ଆଉ ଜଣଙ୍କ ମୃତ୍ୟୁ ମଧ୍ୟ ହୋଇଛି । ଚିକିତ୍ସାଧିନ ଅବସ୍ଥାରେ ଥିବା ବେଳେ ଜଣେ ୪୬ ବର୍ଷୀୟ ବ୍ୟକ୍ତିଙ୍କର ମୃତ୍ୟୁ ହୋଇଛି । ତେବେ ଜିଲ୍ଲାରେ ମୋଟ୍‌ ମୃତ୍ୟୁ ସଂଖ୍ୟା ୭ ଛୁଇଁଛି ।

About Post Author

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.