ସାଉଥ ଆଫ୍ରିକା ରାଜଧାନୀରେ ଗୁଳିକାଣ୍ଡ, ଗୁଳିଚାଳନରେ ୧୪ ଜଣଙ୍କ ମୃତ୍ୟୁ

ଜୋହନ୍ସବର୍ଗ: ସାଉଥ ଆଫ୍ରିକାର ସୋଓ୍ୱେଟୋ ସହରର ଏକ ବାରରେ ଗୁଳିକାଣ୍ଡ । ଏହି ଗୁଳିକାଣ୍ଡରେ ପ୍ରାଣ ହରାଇଛନ୍ତି ୧୪ ଜଣ । ସାଉଥ ଆଫ୍ରିକା ରାଜଧାନୀ ଜୋହନ୍ସବର୍ଗ ଅନ୍ତର୍ଗତ ସୋଓ୍ୱେଟୋ ସହରର ଏକ ବାରରେ ଏହି ଘଟଣା ଘଟିଛି । ଦୁର୍ବୃତ୍ତଙ୍କ ଗୁଳିମାଡ଼ରେ ୩ରୁ ଅଧିକ ଲୋକ ଆହତ ହୋଇଛନ୍ତି । ପୋଲିସ କହିଛନ୍ତି- କେତେକ ଦୁର୍ବୃତ୍ତ ଏକ ମିନିବସ୍ ଟ୍ୟାକ୍ସିରେ ବାର୍ ନିକଟକୁ ଆସିଥିଲେ ଏବଂ ବାରରେ ଆଖିବୁଜା ଗୁଳିମାଡ଼ କରିଥିଲେ ।

ତେବେ ଏହି ଗୁଳିକାଣ୍ଡରେ ଆହତମାନଙ୍କୁ ଖ୍ରୀସ ହାନି ବାରଗଓ୍ୱାନ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ବାରରେ ମଉଜମସ୍ତିରେ ଲୋକମାନେ ଥିବାବେଳେ ଦୁର୍ବୃତ୍ତ ଆଖିବୁଜା ଗୁଳିମାଡ଼ କରିଥିଲେ । ଗୁଳିକାଣ୍ଡ ପରେ ପୋଲିସ ସ୍ଥାନୀୟ ଅଞ୍ଚଳରେ ସର୍ଚ୍ଚ ଅପରେସନ ଜାରି ରଖିଛି ।