ଝିଅକୁ ପୋଲ ଉପରୁ ନଦୀକୁ ଠେଲିଦେଲା ସାବତ ବାପା, ପାଇପରେ ଓହଳି ଏମିତି ଜୀବନ ବଞ୍ଚାଇଲେ ବାଳିକା
ଅମରାବଦୀ: ଆନ୍ଧ୍ରପ୍ରଦେଶର ଗୁଣ୍ଠୁର ଜିଲ୍ଲାରୁ ଏକ ଆଶ୍ଚମ୍ବିତ କରିଦେବା ଭଳି ଘଟଣା ସାମ୍ନାକୁ ଆସିଛି । ଏଠାରେ ଜଣେ ୧୩ ବର୍ଷୀୟା ନାବାଳିକାଙ୍କୁ ତାଙ୍କ ସାବତ ବାପା ଗୋଦାବରୀ ନଦୀକୁ ଠେଲି ଦେଇଥିଲେ କିନ୍ତୁ ଏହି ସମୟରେ ବାଳିକା ଜଣଙ୍କ ବ୍ରିଜର ତଳେ ଲାଗିଥିବା ପାଇପକୁ ଧରି ଓହଳିଥିଲେ ଏବଂ ପୋଲିସକୁ ୧୦୦ ନମ୍ବରରେ କଲ୍ କରି ନିଜକୁ ବଞ୍ଚାଇରେ ମଧ୍ୟ ସକ୍ଷମ ହୋଇଛନ୍ତି । ଗୁଣ୍ଟୁର ଜିଲ୍ଲାର ଉଲୱା ସୁରେଶ ନିଜ ପତ୍ନୀ ପୁପ୍ପଲା ସୁହାସୀ (୩୬) ଏବଂ ତାଙ୍କ ଦୁଇ ଝିଅ କୀର୍ତ୍ତନା (୧୩) ଏବଂ ଜର୍ସି (୧) ଙ୍କଠାରୁ ପିଛା ଛଡ଼ାଇବା ପାଇଁ ରବିବାର ସକାଳ ଚାରିଟାରେ ୩ଜଣଙ୍କୁ ଗୋଦାବରୀ ନଦୀକୁ ଧକ୍କା ଦେଇ ଦେଇଥିଲେ । ସୁହାସିନୀ ଏବଂ ଜର୍ସି ଗୋଦାବରୀ ନଦୀରେ ପଡ଼ି ନିଖୋଜ ହୋଇଯାଇଛନ୍ତି ।
ଏହି ଅବସରରେ ୧୩ ବର୍ଷୀୟା କୀର୍ତ୍ତନା ବ୍ରିଜ ପାଖରେ ଲାଗିଥିବା କେବୁଲ ପାଇପକୁ ଗୋଟିଏ ହାତରେ ଧରି ନେଇଥିଲେ ଏବଂ ନିଜ ଜୀବନ ବଞ୍ଚାଇଥିଲେ । ଏହି ସମୟରେ ତାଙ୍କର ନଜର ନିଜ ପକେଟରେ ଥିବା ଫୋନ୍ ଉପରେ ପଡ଼ିଥିଲା ଏବଂ ସେ ୧୦୦ ନମ୍ବର ଡାଏଲ କରିଥିଲେ । ତୁରନ୍ତ ପୋଲିସ ସେଠାରେ ପହଞ୍ଚିଯାଇଥିଲା ଏବଂ କୀର୍ତ୍ତନାଙ୍କ ଜୀବନ ବଞ୍ଚାଇଥିଲା । ତେବେ କୀର୍ତ୍ତନାଙ୍କୁ ବଞ୍ଚାଇବାକୁ ଆସିଥିବା ପୋଲିସ କର୍ମଚାରୀମାନେ କୀର୍ତ୍ତନାଙ୍କ ସାହସକୁ ଦେଖି ଆଶ୍ଚମ୍ବିତ ହୋଇଯାଇଥିଲେ । ପ୍ରାୟ ଅଧ ଘଣ୍ଟା ସମୟ ଧରି କୀର୍ତ୍ତନା ପାଇପରେ ଓହଳି ରହି ନିଜ ଜୀବନ ବଞ୍ଚାଇଥିଲେ । ପୋଲିସ କହିବା ଅନୁସାରେ ଘଟଣାଟି ୬ ଅଗଷ୍ଟ ସକାଳ ପ୍ରାୟ ୩ ଟା ୫୦ ସମୟରେ ଘଟିଥିଲା ।
ବାଳିକା ଜଣଙ୍କୁ ଉଦ୍ଧାର କରାଯିବା ପରେ ସେ ପୋଲିସକୁ ନିଜ ଷ୍ଟେଟମେଣ୍ଟରେ କହିଛି ଯେ, ତାର ନାଁ ଲକ୍ଷ୍ମୀ କୀର୍ତ୍ତନା ଅଟେ । ଅଭିଯୁକ୍ତ ସୁରେଶ ଯିଏକି ତାଙ୍କ ମାଆଙ୍କ ସହ ରହୁଥିଲା, ସେମାନଙ୍କୁ ରାଜମୁନ୍ଦରୀ ନେଇକି ଆସିଥିଲା ଏବଂ ଯେବେ ସେମାନେ କାରରେ ରାୱୁଲାପଲେମ ବ୍ରିଜ ଉପରେ ପହଞ୍ଚିଥିଲେ, ସେହି ସମୟରେ ସେଲଫି ନେବା ବାହାନାରେ ସେ ତାଙ୍କୁ ଏବଂ ତାଙ୍କ ମାଆ ଓ ଭଉଣୀଙ୍କୁ ପୋଲ ଉପରୁ ନଦୀକୁ ଧକ୍କା ଦେଇ ଦେଇଥିଲେ । ପୋଲିସ ଦୁଇଟି ଟିମ୍ ଗଠନ କରିଛି, ଗୋଟିଏ ଟିମ୍ ଡଙ୍ଗା ସହାୟତାରେ ଗୋଦାବରୀରେ ବାଳିକା ଜଣଙ୍କର ମାଆଙ୍କ ତଲାସ କରୁଛି ସେହିପରି ଅନ୍ୟ ଏକ ଟିମ୍ ଅଭିଯୁକ୍ତକୁ ଧରିବା ଅଭିଯାନ ଜାରି ରଖିଛି ।
