ମହାରାଷ୍ଟ୍ରରେ ମର୍ମନ୍ତୁଦ ଦୁର୍ଘଟଣା, ଡମ୍ଫର ଓଲଟି ୧୩ ଜଣକ ମୃତ୍ୟୁ

ମୁମ୍ବାଇ: ମହାରାଷ୍ଟ୍ରରେ ସଡକ ଦୁର୍ଘଟଣାରେ ୧୩ ଜଣକ ମୃତ୍ୟୁ । ବୁଲଡାଣାରେ ଏହି ଦୁର୍ଘଟଣା ଘଟିଛି । ଗାଡି ତଳେ ଚାପି ହୋଇ ଯାଇଛି ଶ୍ରମିକଙ୍କ ଜୀବନ । ସମୃଦ୍ଧି ରାଜମାର୍ଗ ପରିଯୋଜନା କାମ ପାଇଁ ଏକ ଡମ୍ଫରରେ ଯାଉଥିଲେ ୧୬ ଜଣ ଶ୍ରମିକ । ବର୍ଷା ଫଳରେ ମାଟି ଅତଡା ଧସିଯିବା କାରଣରୁ ଗାଡି ଓଲଟି ପଡିଥିଲା ।

ମିଳିଥିବା ସୂଚନା ମୁତାବକ ଗାଡି ତଳେ ଚାପି ହୋଇ ଘଟଣାସ୍ଥଳରେ ୮ ଜଣକ ମୃତ୍ୟୁ ହୋଇଥିବାବେଳେ ଚିକିତ୍ସିତ ଅବସ୍ଥାରେ ୫ ଜଣକ ମୃତ୍ୟୁ ହୋଇଛି । ଅନ୍ୟମାନଙ୍କ ଚିକିତ୍ସା ଚାଲିଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।