ଭାଟ୍ ହ୍ରାସ କରିବାକୁ ଅରାଜି ୧୨ଟି ରାଜ୍ୟ

ସାରା ଦେଶରେ ପେଟ୍ରୋଲ ଓ ଡିଜେଲ ଦର ବୃଦ୍ଧି ଘୋଷଣାର ଘୋର ବିରୋଧ କରିଥିଲେ ଦେଶବାସୀ  । କେନ୍ଦ୍ର ସରକାର ୧୬ଟି ରାଜ୍ୟ ଏବଂ ୭ଟି କେନ୍ଦ୍ରଶାସିତ ଅଞ୍ଚଳରେ ଭାଟ୍ ହ୍ରାସ ନିମନ୍ତେ ନିଷ୍ପତ୍ତି ନେଇଥିବା ବେଳେ ଏଥିମଧ୍ୟରୁ ୧୨ଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳ କେନ୍ଦ୍ର ସରକାରଙ୍କର ଏଭଳି ନିଷ୍ପତ୍ତିରେ ସହମ୍ମତ ନୁହଁନ୍ତି  । ଚଳିତ ବର୍ଷ ପ୍ରଥମ ଥର ପାଇଁ ଗତକାଲିଠୁ ୧୫ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ୧୦୦ ଟଙ୍କା ତଳକୁ ପେଟ୍ରୋଲ ବିକ୍ରି କରାଯାଉଛି  ।  ଜୁଲାଇ ମାସ ପାଖାପାଖି ଦ୍ୱିତୀୟ ସପ୍ତାହ ଆରମ୍ଭରୁ ପେଟ୍ରୋଲ ଦାମ ୧୦୦ ଟଙ୍କା ଉପରେ ପହଁଞ୍ଚିସାରିଥିଲା  ।

ବର୍ତ୍ତମାନ ବିଜେପି ଏବଂ ଏହାର ସହଯୋଗୀ ରାଜନୈତିକ ଦଳ ସହଯୋଗରେ ୧୫ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳମାନଙ୍କରୁ ୧୦୦ ଟଙ୍କା ତଳକୁ ପେଟ୍ରୋଲ ଦାମ ହ୍ରାସ କରାଗଲା  । ଏଥିମଧ୍ୟରୁ ବିହାର, ମଧ୍ୟପ୍ରଦେଶ, କର୍ଣ୍ଣାଟକ ଏହି ତିନୋଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ଲଦାଖ ସାମିଲ ନାହାଁନ୍ତି  ।

ଚଳିତ ଦୀପାବଳିରେ ପେଟ୍ରୋଲରେ ୫ ଟଙ୍କା ଏବଂ ଡିଜେଲରେ ୧୦ ଟଙ୍କା ଲେଖାଏଁ ହ୍ରାସ କରିଥିବା ବେଳେ ୧୬ଟି ରାଜ୍ୟରେ ଏବଂ ୭ଟି କେନ୍ଦ୍ରଶାସିତ ଅଞ୍ଚଳରେ ଭାଟରେ ମଧ୍ୟ ହ୍ରାସ ଆଣିବା ନିମନ୍ତେ ନିଷ୍ପତ୍ତି ନିଆଯାଇଥିଲା  । ମାତ୍ର ଏଥିମଧ୍ୟରୁ ୧୨ଟି ଦେଶ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳ କେନ୍ଦ୍ର ସରକାରଙ୍କର ଏହି ନିଷ୍ପତ୍ତିରେ ଅରାଜି ଅଛନ୍ତି । କାରଣ ଭାଟରେ ହ୍ରାସ ହେବା ଦ୍ୱାରା ଏହାର ସିଧାସଳଖ ପ୍ରଭାବ ରାଜ୍ୟର ଅର୍ଥନୈତିକ ପରିସ୍ଥିତିରେ ପଡ଼ିପାରେ।

ଶିବସେନା-ଏନସିପି-କଂଗ୍ରେସ ଶାସିତ ଅଞ୍ଚଳ ମହାରାଷ୍ଟ୍ର, ଆପ୍ ଶାସିତ ଦିଲ୍ଲୀ, ଟିଏମସି ଶାସିତ ପଶ୍ଚିମବଙ୍ଗ, ଟିଏମକେ ଶାସିତ ତାମିଲନାଡ଼ୁ, ଟିଆରଏସ୍ ଶାସିତ ତେଲେଙ୍ଗାନା , YSRCP ଶାସିତ ଆନ୍ଧ୍ରପ୍ରଦେଶ, କେରଳ, ଏନପିପି ଶାସିତ ମେଘାଳୟ, ଝାମୁମୋ ଶାସିତ ଝାଡ଼ଖଣ୍ଡ, କଂଗ୍ରେସ ଶାସିତ ଛତିଶଗଡ଼, ପଞ୍ଜାବ, ରାଜସ୍ଥାନ ଓ ଆଣ୍ଡାମାନ ନିକୋବର ଏହି ୧୩ଟି ରାଜ୍ୟରେ ପେଟ୍ରୋଲ ଏବଂ ଡିଜେଲରେ କୈାଣସି ଦର ହ୍ରାସ କରାଯାଇନାହିଁ ।

ଓଡ଼ିଶା କେବଳ ଏଭଳି ରାଜ୍ୟ ଯେଉଁଠାରେ ପେଟ୍ରୋଲ ଏବଂ ଡିଜେଲ ଦୁଇଟିରେ ଲିଟର ପିଛା ୩ ଟଙ୍କା ଲେଖାଏଁ ହ୍ରାସ କରାଯାଇଛି  । ଉତ୍ତରପ୍ରଦେଶ, ଗୁଜୁରାଟ, ହରିୟାଣା, ଉତ୍ତରାଖଣ୍ଡ, ଆସାମ, ଚଣ୍ଡିଗଡ଼, ଗୋଆ, ହିମାଚଳପ୍ରଦେଶ, ଜମ୍ମୁକାଶ୍ମୀର, ସିକିମ୍, ଅରୁଣାଚଳପ୍ରଦେଶ, ମିଜୋରାମ, ନାଗାଲ୍ୟାଣ୍ଡ, ତ୍ରିପୁରା ଏବଂ ପଣ୍ଡଚେରୀରେ ପେଟ୍ରୋଲ ୧୦୦ ଟଙ୍କା ତଳକୁ ହ୍ରାସ କରାଯାଇଛି  ।  କହିରଖୁ କି ୨୦୨୦ ଏପ୍ରିଲ ମାସ ଲିଟର ପିଛା ୬୯ ଟଙ୍କାରୁଅଧିକ ଥିବାବେଳେ ମାର୍ଚ୍ଚ ମାସ ଶେଷ ସୁଦ୍ଧା ଏହା ୯୦ ଟଙ୍କାରେ ପହଁଞ୍ଚିଥିଲା  ।