ଭୁବନେଶ୍ୱରରୁ ପୁଣି ନୂଆ ୧୨ କରୋନା ସଂକ୍ରମିତ ଚିହ୍ନଟ, ମୋଟ ଆକ୍ରାନ୍ତଙ୍କ ସଂଖ୍ୟା ୩୩୨କୁ ବୃଦ୍ଧି

ଭୁବନେଶ୍ୱର: ରାଜ୍ୟରେ ଆଉ ୨୫୧ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୨୦୮ ଲୋକାଲ୍ କେସ୍ ୪୩ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ପଜିଟିଭ୍ ସଂଖ୍ୟା ୭୩୧୬କୁ ବୃଦ୍ଧି ହୋଇଛି । ୧୯ ଜିଲ୍ଲାରୁ ୨୫୧ଜଣ ପଜିଟିଭଙ୍କ ମଧ୍ୟରୁ ଖୋର୍ଦ୍ଧାରୁ ୨୬ ଜଣ ଚିହ୍ନଟ ହୋଇଛନ୍ତି ।  ତେବେ ସେହି ୨୬ ଜଣଙ୍କ ମଧ୍ୟରୁ ସର୍ବାଧିକ ଭୁବନେଶ୍ୱରରୁ ଚିହ୍ନଟ ହୋଇଛିନ୍ତି । ୧୨ ଜଣ କରୋନା ସଂକ୍ରମିତ ଭୁବନେଶ୍ୱରରୁ ଚିହ୍ନଟ ହୋଇଛନ୍ତି । ଫଳରେ ଭୁବନେଶ୍ୱରର ମୋଟ ଆକ୍ରାନ୍ତଙ୍କ ସଂଖ୍ୟା ୩୩୨ରେ ପହଞ୍ଚିଛି । ବର୍ତ୍ତମାନ ମୋଟ ୧୩୫ଟି ମାମଲା ସକ୍ରିୟ ଥିବା ବେଳେ ୧୯୨ଜଣ ସୁସ୍ଥ ହୋଇସାରିଛନ୍ତି । ସେମାନଙ୍କ ମଧ୍ୟରୁ ୪ ଜଣେ କ୍ୱାରେଣ୍ଟାଇନ ସେଷ୍ଟରରୁ ଚିହ୍ନଟ ହୋଇଥିବା ବେଳେ ୮ଜଣ ସ୍ଥାନୀୟ ସଂକ୍ରମଣ ହୋଇଛନ୍ତି ।

କ୍ୱାରେଣ୍ଟାଇନରୁ ଚିହ୍ନଟ ହୋଇଥିବା ୪ଜଣ ସଂକ୍ରମିତଙ୍କ ମଧ୍ୟରୁ ୨ ଜଣ ହେଉଛନ୍ତି ଟଙ୍କପାଣି ରୋଡ଼ ସ୍ଥିତ ଚିଲି ପୋଖରୀ ନିକଟସ୍ତ । ଯେଉଁ ମାନେ ପଶ୍ଚିମବଙ୍ଗରୁ ଆସିଥିଲେ । ଆଉ ଦୁଇଜଣଙ୍କ ମଧ୍ୟରୁ ଜଣେ ଶୈଳଶ୍ରୀବିହାରର ଏବଂ ଅନ୍ୟଜଣେ ଖଣ୍ଡଗିରି ଅଞ୍ଚଳର । ସେହିଭଳି ସ୍ଥାନୀୟ ସଂକ୍ରମିତ ହେଉଛନ୍ତି ୩ ଜଣ ଡ଼ୁମୁଡ଼ୁମାର ହୋଇଥିବା ବେଳେ ଅନ୍ୟଜଣେ ଶ୍ରୀରାମ ନଗରର ବୋଲି ଜଣାପଡ଼ିଛି । ସେପଟେ ନୀଳାଦ୍ରିବିହାର, ଜାଗମରା ଏବଂ ୟୁନିଟ-୨ରୁ ଜଣେ ଲେଖାଏଁ ଚିହ୍ନଟ ହୋଇଥିବା ବେଳେ ଘରୋଇ ହସ୍ପିଟାଲରୁ ଜଣେ ଚିହ୍ନଟ ହୋଇଛନ୍ତି ।

ସେପଟେ କଟକରୁ ମଧ୍ୟ ୭ ଜଣ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । କାଠଗଡ଼ ସାହି, ତୋରିଆ ସାହି, ମଙ୍ଗଳାବାଗ, ଜଗତପୁରରୁ ଜଣେ ଲେଖାଏଁ ଚିହ୍ନଟ ହୋଇଥିବା ବେଳେ ନୂଆପାଟଣାରୁ ୨ ଜଣ ଚିହ୍ନଟ ହୋଇଛନ୍ତି ।