ଆଜି ୧୨ ଘଣ୍ଟିଆ ସୁନ୍ଦରଗଡ଼ ବନ୍ଦ ଡାକରା, ବନ୍ଦ ଡାକରା ଦେଇଛି କୋଶଳ ସମାଜ

ସୁନ୍ଦରଗଡ଼:  ୯୦ ଜଣ ଆଦିବାସୀ ଝିଅଙ୍କୁ ଚାକିରି ନାଁରେ ତାମିଲନାଡୁକୁ ନେଇ ଶୋଷଣ କରିବା ଘଟଣା। ପ୍ରତିବାଦରେ ୧୨ ଘଣ୍ଟିଆ ସୁନ୍ଦରଗଡ଼ ବନ୍ଦ। କୋଶଳ ସମାଜ ପକ୍ଷରୁ ଏହି ବନ୍ଦ ଡାକରା ଦିଆଯାଇଛି। ଜିଲ୍ଲାରେ ବନ୍ଦର ଆଂଶିକ ପ୍ରଭାବ ପଡିଛି। ଆଦିବାସୀ ଝିଅଙ୍କୁ ଚାକିରି ନାଁରେ ତାମିଲନାଡୁକୁ ନେଇ ଶୋଷଣ କରିବା ଘଟଣାରେ ରାଜ୍ୟସରକାର ଓ ଜିଲ୍ଲା ପ୍ରଶାସନ କୌଣସି ପଦକ୍ଷେପ ଗ୍ରହଣ ନକରିବାରୁ ଏହି ବନ୍ଦ ଡାକରା ଦିଆଯାଇଛି।

ସ୍କୁଲ, କଲେଜ, ସରକାରୀ ଅଫିସ ସହ ଗମନାଗମନ ସମ୍ପୂର୍ଣ୍ଣ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି। କେବଳ ଜରୁରୀକାଳୀନ ସେବାକୁ ବାଦ୍ ଦିଆଯିବ। ବନ୍ଦ ଡାକରା ନେଇ କୋଶଳ ସମାଜ ମହାସଚିବ ଦିଲ୍ଲୀପ ପଣ୍ଡା ସୂଚନା ଦେଇଛନ୍ତି।