ଏଣିକି ପ୍ରଥମ ଡୋଜର ୧୨ରୁ ୧୬ ସପ୍ତାହ ମଧ୍ୟରେ ନେବେ କୋଭିସିଲ୍ଡର ଦ୍ୱିତୀୟ ଡୋଜ୍
1 min read
ନୂଆଦିଲ୍ଲୀ: ଦେଶରେ କରୋନା ଟିକା ସଂକଟ ଲାଗି ରହିଥିବା ବେଳେ NTAGI ଦେଇଥିବା ସୁପାରିସକୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଗ୍ରହଣ କରିଛି । ଏଣିକି କୋଭିସିଲ୍ଡର ପ୍ରଥମ ଡୋଜ୍ ନେଇଥିବା ବ୍ୟକ୍ତି ୧୨ରୁ ୧୬ ସପ୍ତାହ ପରେ ଦ୍ୱିତୀୟ ଡୋଜ୍ ଟିକା ନେବେ । ପୂର୍ବରୁ ପ୍ରଥମ ଓ ଦ୍ୱିତୀୟ ଡୋଜ୍ କୋଭିସିଲ୍ଡ ଟିକା ନେବା ପାଇଁ ୬ରୁ ୮ ସପ୍ତାହ ଅନ୍ତର ଥିଲା ।
ସେହିଭଳି କରୋନାରୁ ସୁସ୍ଥ ହୋଇଥିବା ବ୍ୟକ୍ତି ୧୪ ଦିନ ପରେ ଟିକା ନେବେ ନାହିଁ । କରୋନାରୁ ଆରୋଗ୍ୟ ହେବାର ୬ ମାସ ପରେ କୋଭିଡ୍ ଟିକା ନେଇ ପାରିବେ । ସେହିଭଳି NTAGIର ସୁପାରିସ୍ ଅନୁସାରେ, ଗର୍ଭବତୀ ମହିଳାଙ୍କୁ ଯେ କୌଣସି କରୋନା ଟିକା ନେବା ନେଇ ବିକଳ୍ପ ଦିଆଯିବ । ସେହିଭଳି ଛୁଆକୁ ସ୍ତନ୍ୟପାନ କରାଉଥିବା ମହିଳା ପ୍ରସବ ପରେ କୌଣସି ବି ସମୟରେ ଟିକା ନେଇପାରିବେ ।
ତେବେ କୋଭାକ୍ସିନ୍ ଡୋଜ ମଧ୍ୟରେ କୌଣସି ପରିବର୍ତ୍ତନ କରାଯାଇ ନାହିଁ । ପୂର୍ବ ଭଳି କୋଭାକ୍ସିନ୍ ପ୍ରଥମ ଡୋଜ୍ ନେବାର ୨୮ ଦିନ ପରେ କୋଭାକ୍ସିନର ଦ୍ୱିତୀୟ ଡୋଜ୍ ଟିକା ନେଇ ହେବ ।
