ଭଗବତ ଗୀତାର ୧୩ଟି ଶ୍ଲୋକକୁ ଏକ ମିନିଟରେ ଆବୃତି, ଇଣ୍ଡିଆ ବୁକ୍ ଅଫ୍ ରେକର୍ଡରେ ବିଠଲ
ବ୍ରହ୍ମପୁର: ଇଣ୍ଡିଆ ବୁକ୍ ଅଫ୍ ରେକର୍ଡର ଅଧିକାରୀ ହୋଇଛନ୍ତି ବ୍ରହ୍ମପୁର ଡିଏଭି ସ୍କୁଲ ଛାତ୍ର ବିଠଲ ଭରଦ୍ୱାଜ । ଗୋଟିଏ ମିନିଟରେ ଭଗବତ ଗୀତାର ପନ୍ଦର ଅଧ୍ୟାୟର ୧୩ଟି ଶ୍ଲୋକକୁ ଆବୃତି କରି ରେକର୍ଡ କରିଛନ୍ତି । ଯାହାକୁ ନେଇ ପରିବାର ଓ ସମ୍ପର୍କୀୟ ବେଶ୍ ଖୁସି ଅଛନ୍ତି । ଆଗକୁ ସେ ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡ କରିବାର ଲକ୍ଷ୍ୟ ରଖିଛନ୍ତି ।
କଥାରେ ଅଛି ବୁଝୁ ନବୁଝୁ ପଢ଼ ଗୀତା । ମୁହଁରେ ଅନର୍ଗଳ ସଂସ୍କୃତ ଶ୍ଲୋକ । ଏକାନିଶ୍ୱାସେ ସ୍ପଷ୍ଟ ଭାବେ ଉଚ୍ଚାରଣ କରୁଛନ୍ତି ସଂସ୍କୃତ ଶ୍ଲୋକ । ବ୍ରହ୍ମପୁରର ବିଠଲ ଭରଦ୍ୱାଜ ଗୀତାର ଶ୍ଲୋକ ଆବୃତି କରି ଇଣ୍ଡିଆ ବୁକ ରେକର୍ଡରେ ସ୍ଥାନ ପାଇଛନ୍ତି । ମାତ୍ର ୧ ମିନିଟରେ ଗାଇଥିଲେ ଭଗବତ ଗୀତାର ୧୩ଟି ଶ୍ଲୋକ । ଆଗକୁ ସେ ଗିନିଜ୍ ବୁକ୍ ଅଫ୍ ରେକର୍ଡରେ ସ୍ଥାନ ପାଇବା ପାଇଁ ଲକ୍ଷ୍ୟ ରଖିଛନ୍ତି । ସହରର ଡି.ଏ.ଭି ପବ୍ଲିକ ସ୍କୁଲରେ ଏକାଦଶ ଶ୍ରେଣୀର ପାଠ ପଢ଼ନ୍ତି ବିଠଲ ଭରଦ୍ୱାଜ ।
ପିଲାଟି ଦିନରୁ ବିଠଲ ବାପା ସ୍ୱର୍ଗତ ରଷିକେଶ ସାହୁଙ୍କ ଠାରୁ ଗୀତା ଶ୍ଲୋକ ଶିଖିଥିଲେ । ପରେ ଏହାକୁ ନିଜର ଅଭ୍ୟାସ ବଳରେ ରାଜ୍ୟର ବିଭିନ୍ନ ସ୍ଥାନରେ ଗୀତା ଆବୃତି କରି ଅନେକ ପୁରସ୍କାର ପାଇଛନ୍ତି । ବିଠଲର ଏଭଳି କୃତିତ୍ୱକୁ ବେଶ୍ ପ୍ରଶଂସା କରାଯାଉଛି ।
