ରାଜଧାନୀରେ ୩ ହଜାର ମୁହାଁ କରୋନା ସଂଖ୍ୟା, ଜାଣନ୍ତୁ କେଉଁଠୁ କେତେ ଲୋକାଲ କଣ୍ଟାକ୍ଟ
ଭୁବନେଶ୍ୱର: ରାଜ୍ୟ ସହ ରାଜଧାନୀରେ ବଢ଼ିବାରେ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା । ରବିବାର ପୁଣି ୧୧୮ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନ ସେଣ୍ଟରରୁ ୬୯ ଜଣ ଚିହ୍ନଟ ହୋଇଥିବା ବେଳେ ୪୯ ଜଣଙ୍କର ରହିଛି ଲୋକାଲ କଣ୍ଟାକ୍ଟ । ତେବେ ରାଜଧାନୀରେ ଏବେ ମୋଟ ସଂକ୍ରମିତଙ୍କ ସଂଖ୍ୟା ରହିଛି ୨୯୭୯ । ସେଥିମଧ୍ୟରୁ ସୁସ୍ଥ ହୋଇଛନ୍ତି ୧୬୯୧ । କରୋନାରେ ଭୁବନେଶ୍ୱରରେ ମୃତ୍ୟୁ ସଂଖ୍ୟା ୧୮କୁ ଛୁଇଁଛି ଏବଂ ମୋଟ ସକ୍ରିୟ ରହିଛନ୍ତି ୧୨୬୮ ଜଣ । ସେପଟେ ସବୁରି ଭିତରେ କରୋନା ରୋଗୀଙ୍କ ସୁସ୍ଥ ସଂଖ୍ୟା ଭୟ ଭିତରେ ଆଶ୍ୱସ୍ତି ଆଣି ଦେଉଛି । ଆଜି ଦିନକରେ ୧୨୫ ଜଣ କରୋନା ରୋଗୀ ସୁସ୍ଥ ହୋଇଛନ୍ତି ।
୪୯ ଜଣ ଲୋକାଲ କଣ୍ଟାକ୍ଟଙ୍କ ମଧ୍ୟରୁ ଆଚାର୍ଯ୍ୟ ବିହାରରୁ ୧, ବରମୁଣ୍ଡରୁ ୧, ଜୟଦେବ ବିହାରରୁ ୧, ସିଆରପିଏଫର ଜଣେ ଅଧିକାରୀ, ଖଣ୍ଡଗିରି ଅଞ୍ଚରରୁ ୧, ଡ଼ମଣାରୁ ୧, ପଟିଆ ଶିଖଚଣ୍ଡି ବିହାରରୁ ୧, ଖଣ୍ଡଗିରିରୁ୨, ଟଙ୍କପାଣି ରୋଡରୁ ୧, ଡ଼ୁମୁଡ଼ୁମାରୁ ୧, ସାଲିଆ ସାହିରୁ ୨, ଚନ୍ଦ୍ରଶେଖରପୁର ବିଡିଏ କଲୋନୀରୁ ୧, ବରମୁଣ୍ଡା ଜମନ୍ନାଥ ବିହାରରୁ ୧, ଆଇଆରସି ଭିଲେଜରୁ ୨, ଘରୋଇ ଡାକ୍ତରଖାନାରୁ ୨, ସୁନ୍ଦରପଦା ଆଜାଦ ନଗରରୁ ୧, ଭୋଇ ନଗରରୁ ୨, ବୁଦ୍ଧ ନଗରରୁ ୧, ରଙ୍ଗମାଟିଆରୁ ୧, ଟଙ୍କପାଣି ରୋଡ଼ର ଶିବନଗରରୁ ୧, ବରମୁଣ୍ଡାରୁ ୨, ଇନଫୋସିଟିରୁ ୧, ସତ୍ୟନଗରର ଏକ ଘରୋଇ ମେଡିକାଲରୁ ୧, ନୟାପଲ୍ଲୀରୁ ଜଣେ ପୋଲିସ କର୍ମଚାରୀ , ବଡ଼ଗଡ଼ ବ୍ରିଟକଲୋନୀରୁ ୧, ପଳାଶୁଣିରୁ ୧, ନନ୍ଦିନି ବିହାରରୁ ୧, ୟୁନିଟି ୮ର ସିବିଆଇ କଲୋନୀରୁ ୩, ଜଣେ ପୋଲିସ କର୍ମଚାରୀ, ସୂର୍ଯ୍ୟ ନଗରରୁ ୧, ସାସ୍ତ୍ରୀ ନଗରରୁ ୧, ଚମ୍ପାବତି ସାହିରୁ ୧, ନୟାପଲ୍ଲୀରୁ ଜଣେ ସାମ୍ବାଦୀକ, ସାମନ୍ତରା ପୁରରୁ ୧, ପ୍ରଶାନ୍ତି ବିହାରରୁ ୧, ନିଳାଦ୍ରୀ ବିହାରରୁ ୧, ସହିଦ ନଗରରୁ ୧, ରାଧା କୃଷ୍ଣ ବସ୍ତିରୁ ୧, ଗ୍ୟାରେଜ ଛକରୁ ୧, ୟୁନିଟ ୨ରୁ ୧ କରୋନା ପଜିଟିଭ ଚିହ୍ନଟ ହୋଇଛନ୍ତି ।
ରବିବାର ରାଜ୍ୟରେ ୧୪୩୪ ସଂକ୍ରମିତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୮୮୯ ଜଣ କ୍ୱାରେଣ୍ଟାଇନରେ ଥିଲେ । ବାକି ସ୍ଥାନୀୟ ସଂକ୍ରମଣ ସଂଖ୍ୟା ୫୪୫ । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି ।
