ବାହାନଗା ଟ୍ରେନ ଦୁର୍ଘଟଣା ପରେ ଚାଲିଛି ଶବ ଚିହ୍ନଟ, ଏବେସୁଦ୍ଧା ୧୧୧ ମୃତଦେହ ନେଲେଣି ପରିବାର

ବାଲେଶ୍ବର: ବାହାନଗା ଟ୍ରେନ୍ ଟ୍ରାଜେଡ଼ି ପରେ ଜାରି ରହିଛି ଶବ ଚିହ୍ନା । ବିଭିନ୍ନ ରାଜ୍ୟରୁ ସେମାନଙ୍କ ସମ୍ପର୍କୀୟ ଆସି ମୃତଦେହ ଚିହ୍ନଟ କରି ନେଉଛନ୍ତି । ଏବେସୁଦ୍ଧା ଭୁବନେଶ୍ବର ଏମ୍ସରେ ଥିବା ୧୯୩ ମୃତଦେହରୁ ୧୧୧ମୃତଦେହ ଚିହ୍ନଟ ସରିଛି । ସରକାର ନିଜ ଖର୍ଚ୍ଚରେ ପରିବାର ସହ ମୃତଦେହ ସେମାନଙ୍କ ଘରେ ପହଞ୍ଚାଉଛନ୍ତି । ଆଉ ୮୨ ମୃତଦେହ ରହିଛି ।

ଯାହାର ଚିହ୍ନଟ ପ୍ରକ୍ରିୟା ଜାରି ରହିଛି । ସେପଟେ କଟକ ଏସସିବିରେ ଏବେ ୧୧୯ଗୁରୁତରଙ୍କ ଚିକିତ୍ସା ଚାଲିଛି । ୮୨ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ୨୧ଜଣ ଆଇସିୟୁରେ ଅଛନ୍ତି । ମୋଟ୍ ୨୦୧ଆହତ ଏସସିବିରେ ଭର୍ତ୍ତି ହୋଇଥିଲେ ।