ବିସ୍କୁଟ୍, କେକ୍ ପ୍ୟାକେଟରେ ଲୁଚି ରହିଥିଲା ୧୧ ବିରଳ ସାପ

ନନ୍ଦିଘୋଷ ବ୍ୟୁରୋ: ସାପ ଚୋରା ଚାଲାଣ ମାରିଲା ଫେଲ୍ । ବିସ୍କୁଟ୍ ଏବଂ କେକ୍ ପ୍ଯାକେଟରେ ଚୋରା ଚାଲାଣ କରୁଥିଲେ ୧୧ ବିଷଧର ସାପ । ଏଭଳି ଏକ ଘଟଣା ଦେଖିବାକୁ ମିଳିଛି ବ୍ଯାଙ୍କକ୍ ଫ୍ଲାଇଟରେ । ଫ୍ଲାଇଟରେ ଯାତ୍ରା କରୁଥିବା ଜଣେ ଯାତ୍ରୀ ତାଙ୍କ ସହ ୯ଟି ଅଜଗର, ୨ଟି ବିରଳ ପ୍ରଜାତିର ସାପ ବିସ୍କୁଟ୍ ଓ କେକ୍ ପ୍ଯାକେଟରେ ଲୁଚେଇ ରଖିଥିଲେ । ଯେତେବେଳେ ଯାତ୍ରୀଙ୍କ ବ୍ଯାଗ୍ ଯାଞ୍ଚ କରାଯାଇଥିଲା ତାଙ୍କ ପାଖରୁ ପ୍ରାୟ ୧୧ ଟି ବିରଳ ପ୍ରଜାତିର ସାପ ଉଦ୍ଧାର କରାଯାଇଥିଲା ।

ରାଜସ୍ବ ଇଣ୍ଚେଲିଜେନ୍ସି ନିର୍ଦ୍ଦେଶକଙ୍କ ଦାବି ମୁତାବିକ, ବ୍ୟକ୍ତି ଜଣକ ବନ୍ଯ ଜନ୍ତୁ ଚୋରା ଚାଲାଣ କରୁଥିବା ଅଭିଯୋଗ ହୋଇଛି । ଯାତ୍ରୀ ଜଣକ ବ୍ୟାଙ୍କକରୁ ମୁମ୍ବାଇ ସାପ ଲୁଚାଇ ଆଣିଥିବା ବେଳେ ମୁମ୍ବାଇ ଏୟାରପୋର୍ଟରେ ଧରା ପଡିଥିଲେ ।

ସୂଚନାନୁସାରେ, ଥାଇଲାଣ୍ଡର ଧନୀ ପରିବାରର ଅଧିକାଂଶ ଲୋକେ ବନ୍ଯଜନ୍ତୁ ଚୋରା ଚାଲାଣ କରି ତାଙ୍କୁ ଗୃହପାଳିତ ପଶୁ ଓ ପଶୁପାଳନ ଭାବରେ ବ୍ଯବହାର କରନ୍ତି । ରାଜସ୍ବ ଇଣ୍ଚେଲିଜେନ୍ସି ଦ୍ବାରା ଧରାଯାଇଥିବା ଏହି ବିରଳ ସାପ ଗୁଡିକୁ ଯାତ୍ରୀ ଜଣକ ବେଆଇନ୍ ଭାବରେ ଚତୁରତାର ସହ ଲୁଚେଇ ନେଉଥିଲେ । କଷ୍ଟମ୍ ଆକ୍ଟ ୧୯୬୨ ଅନୁଯାୟୀ, ଏହା ବିରୁଦ୍ଧରେ ତୁରନ୍ତ କାର୍ଯ୍ଯାନୁଷ୍ଠାନ ହେବ ବୋଲି ରାଜସ୍ବ ଇଣ୍ଚେଲିଜେନ୍ସିର ନିର୍ଦ୍ଦେଶକ କହିଛନ୍ତି । ଓ୍ବାଇଲ୍ଡ ଲାଇଫ୍ କ୍ରାଇମ୍ କଣ୍ଟ୍ରୋଲ୍ ବ୍ୟୁରୋ, ପଶ୍ଚିମାଞ୍ଚଳ ପୋଲିସ୍ , ନାଭି ମୁମ୍ବାଇ ପୋଲିସ ଅଧିକାରୀ ମାନେ ଜବତ ହୋଇଥିବା ସରୀସୃପଙ୍କ ପରିଚୟ ସ୍ପଷ୍ଟ କରିଛନ୍ତି ।