ପ୍ରତିଦିନ ୧୧ମି. କରନ୍ତୁ ଏହି କାମ, ସୁସ୍ଥ ରହିବ ହାର୍ଟ

ଲଣ୍ଡନ: ପ୍ରତିଦିନ ୧୧ ମିନିଟ୍ ଏହି କାମ କଲେ ଆପଣଙ୍କ ହାର୍ଟ ସୁସ୍ଥ ରହିବ। ଏଭଳି ରିପୋର୍ଟ ପ୍ରକାଶ ପାଇଛି କେମ୍ବ୍ରିଜ୍ ବିଶ୍ୱ ବିଦ୍ୟାଳୟର ଏକ ରିସର୍ଚ୍ଚରୁ। ‘ବ୍ରିଟିଶ ଜର୍ନଲ ଅଫ୍ ସ୍ପୋର୍ଟ୍ସ ମେଡିସିନ୍’ରେ ମଙ୍ଗଳବାର ଦିନ ପ୍ରକାଶିତ ଏକ ରିପୋର୍ଟରେ ଏନେଇ ସୂଚନା ଦିଆଯାଇଛି। ଗବେଷକଙ୍କ ମତରେ ଏହି କାମ କଲେ ଜଲଦି ମୃତ୍ୟୁବରଣ କରୁଥିବା ୧୦ ଜଣଙ୍କୁ ମଧ୍ୟରୁ ଜଣଙ୍କର ଜୀବନ ବଞ୍ଚାଯାଇପାରିବ । ବ୍ରିଟେନର ରାଷ୍ଟ୍ରୀୟ ସ୍ୱାସ୍ଥ୍ୟ ସେବା (ଏନଏଚଏସ୍) ଦ୍ୱାରା ଦିଆଯାଇଥିବା ଶାରୀରୀକ ବ୍ୟାୟାମ ପାଳନ କଲେ ସୁଫଳ ମିଳିବ ।

ମଧ୍ୟମ ସ୍ତରର ଶାରୀରୀକ ବ୍ୟାୟାମ କଲେ ହୃଦୟ ସମ୍ବନ୍ଧୀୟ ରୋଗ ଏବଂ କ୍ୟାନ୍ସର ଆଶଙ୍କା କମ୍ ହୋଇଥାଏ । ଏନଏଚଏସ୍ ବୟସ୍କଙ୍କୁ ଏକ ସପ୍ତାହରେ ୭୫ ମିନିଟ୍ ଶାରୀରୀକ ବ୍ୟାୟାମ କରିବାକୁ ପରାମର୍ଶ ଦେଇଛନ୍ତି ।

କେମ୍ବ୍ରିଜ୍ ବିଶ୍ୱବିଦ୍ୟାଳୟର ମେଡିକାଲ ରିସର୍ଚ୍ଚ କାଉନସିଲ୍ (ଏମଆରସି) ପିଡେମିଓଲଜି ୟୁନିଟର ଡ. ସୋରେନ୍ ବ୍ରାଜ୍ କହିଛନ୍ତି, କିଛି ନ କରିବାଠୁ ଭଲ କିଛି ଶାରୀରୀକ ବ୍ୟାୟାମ କରିବା । ଯଦି ଆପଣଙ୍କୁ ଲାଗୁଛି ଏକ ସପ୍ତାହରେ ୭୫ ମି. ବ୍ୟାୟାମ କରିପାରୁଛନ୍ତି, ତାହେଲେ ଆପଣ ଚାହିଁଲେ ଅଧିକ ସମୟ ବଢାଇପାରିବେ ।

ସାରା ଦୁନିଆରେ ସବୁଠୁ ଅଧିକ ମୃତ୍ୟୁ ହୃଦୟ ଜନିତ ସମସ୍ୟାରୁ ହୋଇଥାଏ । ୨୦୧୯ ମସିହାରେ ୧.୭୯ କୋଟି ଲୋକଙ୍କ ମୃତ୍ୟୁ ହାର୍ଟ ସମସ୍ୟାରୁ ହୋଇଥିବା ବେଳେ ୨୦୧୭ରେ ୯୬ ଲକ୍ଷ ଲୋକ କ୍ୟାନ୍ସରରେ ମୃତ୍ୟୁବରଣ କରିଥିଲେ।