ଦିଲ୍ଲୀରେ ଭୟାବହ ଅଗ୍ନିକାଣ୍ଡ, ଜଳିଗଲା ରଙ୍ଗ କାରଖାନା

ନୂଆଦିଲ୍ଲୀ: ନୂଆଦିଲ୍ଲୀରେ ବଡ଼ ଧରଣର ଅଗ୍ନିକାଣ୍ଡ। ଦୟାଲପୁର ମାର୍କେଟରେ ଏକ ରଙ୍ଗ କାରଖାନାରେ ଅଗ୍ନିକାଣ୍ଡ ଘଟି ପ୍ରାଣ ହରାଇଛନ୍ତି ୧୧ ଜଣ। ରେସ୍କ୍ଯୁ ଅପରେସନର ଆହତ ହୋଇଛନ୍ତି ଜଣେ ପୋଲିସ କର୍ମଚାରୀ। ଗତକାଲି ସନ୍ଧ୍ୟାରେ କାରଖାନାରେ ଅଗ୍ନିକାଣ୍ଡ ଘଟିଥିବା ସୂଚନା ପାଇ ୨୨ଟି ଦମକଳ ବାହିନୀ ନିୟୋଜିତ ହୋଇଥିଲେ।

ଦୀର୍ଘ ସମୟ ପରେ ନିଆଁକୁ ଆୟତ୍ତ କରିଥିଲେ ଅଗ୍ନିଶମ ବାହିନୀ। ଅଗ୍ନିକାଣ୍ଡ ସହ ବିସ୍ଫୋରଣ ଯୋଗୁ କେତେକ ଘର ଓ ଦୋକାନରେ ନିଆଁ ଲାଗିଯାଇଥିଲା। ଗତ ଜାନୁଆରୀ ୨୬ରେ ଦିଲ୍ଲୀର ସାହଦରାରେ ଏକ ବହୁତଳ ପ୍ରାସାଦରେ ଅଗ୍ନିକାଣ୍ଡ ଘଟି ଜଣେ ବାଳିକା ସମେତ ୪ଜଣ ପ୍ରାଣ ହରାଇଥିଲେ।