ମୁଖ୍ୟମନ୍ତ୍ରୀଙ୍କ ସହ ଉଡ଼ିଲେ ଛାତ୍ରଛାତ୍ରୀ

ରାୟପୁର: ପ୍ରତିଶ୍ରୁତି ରକ୍ଷା କଲେ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବଘେଲ । ଦଶମ ଓ ଦ୍ବାଦଶ ପରୀକ୍ଷାରେ ଟପ୍ ରାଙ୍କ ପାଇଥିବା ଛାତ୍ରଛାତ୍ରୀଙ୍କ ନେଇ ହେଲିକପ୍ଟରରେ ଉଡିଲେ ମୁଖ୍ୟମନ୍ତ୍ରୀ । କିଛିଦିନ ତଳେ ଏକ କାର୍ଯ୍ୟକ୍ରମରେ ଯୋଗ ଦେଇ କୃତୀ ଛାତ୍ରଛାତ୍ରୀଙ୍କ ସହ ହେଲିକପ୍ଟରରେ ଉଡ଼ିବା ଲାଗି ଘୋଷଣା କରିଥିଲେ ମୁଖ୍ୟମନ୍ତ୍ରୀ । ଛାତ୍ରଛାତ୍ରୀଙ୍କୁ ପ୍ରେରଣା ଦେବା ଲାଗି ମୁଖ୍ୟମନ୍ତ୍ରୀ ଏହି ଘୋଷଣା କରିଥିବାବେଳେ ଏହାକୁ କାର୍ଯ୍ୟରେ ପରିଣତ କରିଛନ୍ତି ବଘେଲ ।

ଜୀବନ ଆକାଶରେ ଉଡ଼ିବା ଲାଗି ପ୍ରତି ଛାତ୍ରଛାତ୍ରୀଙ୍କ ଏକ ସ୍ବପ୍ନ ଥାଏ ଏବଂଏହାଦ୍ବାରା ସେମାନଙ୍କ ସ୍ବପ୍ନ ଅଧିକ ଶାଣିତ ହୋଇଥାଏ ବୋଲି କହିଥିଲେ ମୁଖ୍ୟମନ୍ତ୍ରୀ । ପିଲାମାନେ ହେଲିକପ୍ଟରରେ ଉଡ଼ିବା ପ୍ରସଙ୍ଗରେ ସ୍କୁଲ ବିଭାଗ ମନ୍ତ୍ରୀ ପ୍ରେମ ସାଇ ସିଂ ତେକାମ କହିଛନ୍ତି- ଏହାଦ୍ବାରା ଶିକ୍ଷା ପ୍ରତି ପିଲାଙ୍କ ଆଗ୍ରହ ବୃଦ୍ଧି ପାଇବ । ଏହି ପ୍ରକ୍ରିୟାରେ ଆକାଶରେ ଉଡ଼ିବେ ୧୨୫ ଛାତ୍ରଛାତ୍ରୀ ।