ଭୁବନେଶ୍ୱର: ରାଜଧାନୀରେ କରୋନା ଆକ୍ରାନ୍ତ ସଂଖ୍ୟା ସହ ସୁସ୍ଥ ସଂଖ୍ୟା ପାଦରେ ପାଦ ମିଶାଇ ଚାଲିଛି । କରୋନା ବୃଦ୍ଧିର ଭୟ ଭିତରେ ସୁସ୍ଥତା ହାର ଲୋକଙ୍କୁ ଆଶ୍ୱସ୍ତି ଦେଉଛି । ତେବେ ରାଜଧାନୀରେ ଶୁକ୍ରବାର ୧୦୧ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେଥି ମଧ୍ୟରୁ କ୍ୱାରେଣ୍ଟାଇନ କେନ୍ଦ୍ରରୁ ୫୨ ଜଣ ଚିହ୍ନଟ ହୋଇଥିବା ବେଳେ ୪୯ ଜଣଙ୍କର ରହିଛି ଲୋକାଲ କଣ୍ଟାକ୍ଟ । ସୁସ୍ଥ ହୋଇଛନ୍ତି ୧୦୬ ଜଣ କରୋନା ରୋଗୀ । ଏହା ସହ ରାଜ୍ୟରେ ଏବେ ମୋଟ ୩୬୭୩ ଜଣ କରୋନା ରୋଗୀ ଚିହ୍ନଟ ହୋଇଛନ୍ତି । ୨୨୫୭ ଜଣ କରୋନା ରୋଗୀ ସୁସ୍ଥ ହୋଇ ଘରକୁ ଫେରିଥିବା ବେଳେ ୧୮ ଜଣଙ୍କର ମୃତ୍ୟୁ ହୋଇଛି । ତେବେ ରାଜଧାନୀରେ ଏବେ ୧୨୯୬ ଜଣ କରୋନା ରୋଗୀ ସକ୍ରିୟ ରହିଛନ୍ତି ।
୪୯ ଜଣ ଲୋକାଲ କଣ୍ଟାକ୍ଟଙ୍କ ମଧ୍ୟରୁ କଟକ ରୋଡ ରେଲଓ୍ୱେ ଷ୍ଟେସନ ପାଖରୁ ୧, ବଡ଼ଗଡ଼ରୁ ୨, ଭୀମଟାଙ୍ଗି ଗଭବତୀ ବସ୍ତିରୁ ୧, ନୟପଲ୍ଲୀ ସିଆରପିଏଫ କ୍ୟାମ୍ପସରୁ ୧, ଗଙ୍ଗନଗରରୁ ୧, ଲକ୍ଷ୍ମୀସାଗର ଜୟଦୁର୍ଗା ନଗରରୁ ୧, ସିରିପୁର ଓୟୁଏଟି କଲୋନୀରୁ ୧, ରସୁଲଗଡ଼ରୁ ୧, ନ୍ୟୁ ଫରେଷ୍ଟ ପାର୍କ ଏରିଆରୁ ୧, ରୁଚିକା ମାର୍କେଟରୁ ୧, ରଙ୍ଗମାଟିଆ ଅଞ୍ଚଳରୁ ୧, ବଡ଼ଗଡ଼ ବ୍ରିଟ କଲୋନୀରୁ ୨, ଲକ୍ଷ୍ମୀସାଗରର ବୁଦ୍ଧେଶ୍ୱରୀ କଲୋନୀରୁ ୨, ଓଲ୍ଡ ଟାଉନରୁ ୨, ରସୁଲଗଡ଼ର ଜିଜିପି କଲୋନୀରୁ ୧, ଖଣ୍ଡଗିରିରୁ ୧, ପଟିଆର ନନ୍ଦନ ବିହାରରୁ ୧, ଡୁମୁଡୁମାରୁ ୧, ନାଲକୋ ନଗରରୁ ୧, ବିଜେବି ନଗରରୁ ୧, ବରମୁଣ୍ଡାରୁ ୨, ନୟାପଲ୍ଲୀ ସିବିଆଇ କଲୋନୀରୁ ୧, କପିଳେଶ୍ୱର ଦାଣ୍ଡ ସାହିରୁ ୧, ହାଲି ପଡ଼ିଆ ବସ୍ତିରୁ ୧, ଲୁଇସ ରୋଡରୁ ୧, ଭକ୍ତି ବିହାରରୁ ୧, ୟୁନିଟ ୧ରୁ ୨, ସାମନ୍ତରାପୁରରୁ ୩, ଡୁମୁଡୁମାରୁ ୧, ପାତ୍ରପଡ଼ାରୁ ୧, ଭିମପୁରରୁ ୧, ଚନ୍ଦସେଖରପୁରରୁ ୧, ଶୈଳଶ୍ରୀବିହାରରୁ ୧, ଆଇଆରସି ଭିଲେଜରୁ ୧, ନୀଳାଦ୍ରିବିହାରରୁ ୧, ଶସ୍ତ୍ରୀ ନଗରରୁ ୧, ତାଳବଣିଆରୁ ୧, ସହିନ ନଗରରୁ ୨ ଜଣ ଲେଖାଏଁ ଲୋକାଲ କଣ୍ଟାକ୍ଟ ରହିଛନ୍ତି ।
ରାଜ୍ୟରେ ଆଜି ୨୯ ଜିଲ୍ଲାରୁ ଆଉ ୧୮୩୩ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । କ୍ବାରେଣ୍ଟାଇନରୁ ୧୧୧୮ ଲୋକାଲ୍ କେସ୍ ୭୧୫ । ଖୋର୍ଦ୍ଧାରୁ ସର୍ବାଧିକ ୨୯୮ ଜଣ କରୋନା ସଂକ୍ରମିତ ଚିହ୍ନଟ ହୋଇଥିଲେ ।
