କ୍ୟାବିନେଟର ନିଷ୍ପତ୍ତି: କନ୍ଧମାଳରେ ହେବ ୧୦୦ ଶଯ୍ୟା ବିଶିଷ୍ଟ ମେଡିକାଲ କଲେଜ

ଭୁବନେଶ୍ୱର: ରାଜ୍ୟ ସରକାର କନ୍ଧମାଳ ଜିଲ୍ଲାରେ ଏକ ୧୦୦ ଶଯ୍ୟା ବିଶିଷ୍ଟ ମେଡିକାଲ କଲେଜ ଓ ହସ୍ପିଟାଲ ନିର୍ମାଣ କରିବାର ନିଷ୍ପତ୍ତି ନେଇଛନ୍ତି । ସେହିପରି କୋରାପୁଟରେ ଥିବା ମେଡିକାଲ କଲେଜ ସଂଖ୍ୟା ୬୫୦କୁ ବୃଦ୍ଧି କରିବା ସହ ଏଥିପାଇଁ ରାଜ୍ୟ ସରକାର ୬୮୦ କୋଟି ଟଙ୍କା ମଞ୍ଜୁର କରିଛନ୍ତି । ସାପୁର୍ଜୀ- ପାଲୋନଜୀ ଆଣ୍ଡ କମ୍ପାନୀକୁ ସରକାର ଏହି ନିର୍ମାଣ କାର୍ଯ୍ୟ ହସ୍ତାନ୍ତର କରିଛନ୍ତି ।

ଆଜି ବସିଥିବା କ୍ୟାବିନେଟ ବୈଠକରେ ଏହି ନିଷ୍ପତ୍ତିକୁ ମଞ୍ଜୁର ଦେଇଛନ୍ତି ରାଜ୍ୟ ସରକାର । ରାଜ୍ୟବାସୀଙ୍କ ଚିକିତ୍ସାରେ ଆବ୍ୟଶକତା ଏବଂ ରାଜ୍ୟରେ ଡାକ୍ତର ସଂଖ୍ୟା ବୃଦ୍ଧି କରିବା ଲାଗି ସରକାର ଏହି ନିଷ୍ପତ୍ତି ନେଇଛନ୍ତି । ସେହିପରି  ବରଗଡ଼ରେ ୨ଟି ପାନୀୟ ଜଳ ପ୍ରକଳ୍ପକୁ ମଧ୍ୟ ମଞ୍ଜୁରୀ ମିଳିଛି  ।  ଆଜିର କ୍ୟାବିନେଟ ବୈଠକ ସଂଧ୍ୟା୬ଟା ୪୫ରେ ଅନୁଷ୍ଠିତ ହୋଇଥିବା ବେଳେ ବୈଠକରେ ଅନେକ ଗୁରୁତ୍ୱପୂର୍ଣ୍ଣ ପ୍ରସ୍ତାବରେ ମୋହର ମାରିଛନ୍ତି  ସରକାର ।