କଥା ଦେଇ କଥା ରଖିଲେ 5T ସଚିବ

ଭୁବନେଶ୍ବର: କଥା ଦେଇ କଥା ରଖିଲେ 5T ସଚିବ। ବେଗୁନିଆରେ ନିର୍ମାଣ ହେବ ୧୦୦ଶାର୍ଯ୍ୟା ବିଶିଷ୍ଟ ଉପଖଣ୍ଡ ସ୍ତରୀୟ ମେଡିକାଲ୍। ରାଜ୍ୟ ସରକାରଙ୍କ ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇବା ପରେ ବେଗୁନିଆରେ ଖୁସିର ଲହରୀ ଖେଳିଯାଇଛି  ।  ବିଧାୟକ ନେତୃତ୍ବରେ ମୁଖ୍ୟମନ୍ତ୍ରୀ ଓ 5T ସଚିବଙ୍କୁ ଭେଟି କୃତଜ୍ଞତା ଜଣାଇଛନ୍ତି ବୋଲଗଡ ବାସିନ୍ଦା  ।

ଧନ୍ୟବାଦ ଚାରି କୋଟି ଜନ ମାନସର ନେତା । ବେଗୁନିଆରେ ନିର୍ମାଣ ହେବ ୧୦୦ ଶଯ୍ୟା ବିଶିଷ୍ଟ ଉପ ଜିଲ୍ଲାସ୍ତରୀୟ ଡାକ୍ତରଖାନା । ଦାବି ଉପସ୍ଥାପନର ମାତ୍ର ଦୁଇ ମାସ ମଧ୍ୟରେ ସମାଧାନ । ବୋଲଗଡ-ବେଦୁନିଆ ବାସିନ୍ଦାଙ୍କୁ ମୁଖ୍ଯମନ୍ତ୍ରୀଙ୍କ ଦେଇଛନ୍ତି ଦଶହରା ଭେଟି । କଥା ଦେଇ କଥା ରଖିଛନ୍ତି 5T ସଚିବ ଭି କେ ପାଣ୍ଡିଆନ୍ । ରାଜ୍ୟ ସରକାରଙ୍କ ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ପକ୍ଷରୁ ବେଗୁନିଆରେ ୧୦୦ଶର୍ଯ୍ୟା ବିଶିଷ୍ଟ ଉପଖଣ୍ଡ ସ୍ତରୀୟ ମେଡିକାଲ୍ ନେଇ ବିଜ୍ଞପ୍ତି ପ୍ରକାଶ ପାଇବା ପରେ ଖୁସିରେ ବିଭୋର ବୋଲଗଡ-ବେଗୁନିଆ ବାସିନ୍ଦା ।  ବୁଧବାର ବିଧାୟକ ରାଜେନ୍ଦ୍ର ସାହୁଙ୍କ ନେତୃତ୍ବରେ ମହିଳା, ଯୁବ, ଛାତ୍ର, ମିଶନ ଶକ୍ତି, ବରିଷ୍ଠ ନାଗରିକଙ୍କ ସମେତ ବୋଲଗଡ ବାସିନ୍ଦା ମୁଖ୍ୟମନ୍ତ୍ରୀ ଓ 5T ସଚିବଙ୍କୁ ଭେଟି କୃତଜ୍ଞତା ଜଣାଇଛନ୍ତି ।

ବେଗୁନିଆରେ ଉପଖଣ୍ଡ ସ୍ତରୀୟ ମେଡିକାଲ୍ ପାଇଁ କିଛି ମାସ ହେବ ଦାବି ହୋଇ ଆସୁଥିଲା । ଏପିରକି ମୁଖ୍ୟମନ୍ତ୍ରୀଙ୍କ ପାଖକୁ କ୍ରିୟାନୁଷ୍ଠାନ କମିଟି ପକ୍ଷରୁ ଏକ ପ୍ରତିନିଧି ଦଳ ସାକ୍ଷାତ କରି ଦାବି ଜଣାଇଥିଲେ। ଉପଖଣ୍ଡ ସ୍ତରୀୟ ମେଡିକାଲ୍ ନିର୍ମାଣ ଲାଗି ଖୁସି ଖବର ପାଇବା ପରେ କ୍ରିୟାନୁଷ୍ଠାନ କମିଟି  5t ସଚିବ ଏବଂ ମୁଖ୍ୟମନ୍ତ୍ରୀ ଙ୍କୁ କୃତଜ୍ଞତା ଜଣାଇଛନ୍ତି।

ଅଗଷ୍ଟ ୨୨ ତାରିଖରେ ବେଗୁନିଆଗସ୍ତରେ ଜନ ଶୁଣାଣି ସମୟରେ 5t ସଚିବ ଭି କେ ପାଣ୍ଡିଆନ ଗସ୍ତ କରିଥିଲେ । ବେଗୁନିଆରେ ସିଏଚସି ପାଇଁ ଅନୁରୋଧ କରିଥିଲେ ସ୍ଥାନୀୟ ବାସିନ୍ଦା । ମୁଖ୍ୟମନ୍ତ୍ରୀଙ୍କ ପାଖରେ ଦାବି ଉପସ୍ଥାପନ କରି ଖୁସି ଖବର ପାଇବେ ବୋଲି 5t ସଚିବ ପ୍ରତିଶ୍ରୁତି ଦେଇଥିଲେ । ଶେଷରେ କଥା ଦେଇ କଥା ରଖିଛନ୍ତି 5t ସଚିବ ।