ଆତଙ୍କବାଦୀଙ୍କ ବିରୋଧରେ ସେନାର ବଡ଼ ଅପରେସନ, ୩ ଦିନରେ ୧୦ ଜଣ ଆତଙ୍କବାଦୀଙ୍କୁ ଏନକାଉଣ୍ଟର

ଶ୍ରୀନଗର: ଜାମ୍ମୁ-କାଶ୍ମୀରରେ ଆତଙ୍କବାଦୀଙ୍କ ବିରୋଧରେ ସେନାର ବଡ଼ ଅପରେସନ । ଅଭିନେତ୍ରୀ ଅମରିନ ଭଟ୍ଟ ହତ୍ୟାକାଣ୍ଡର ୨୪ ଘଣ୍ଟା ମଧ୍ୟରେ ପ୍ରତିଶୋଧ ନେଇଛନ୍ତି ସୁରକ୍ଷାକର୍ମୀ । ଆଜି ସୁରକ୍ଷାକର୍ମୀଙ୍କ ଗୁଳିରେ ଦୁଇ ଆତଙ୍କବାଦ ନିହତ ହୋଇଛନ୍ତି । ଅବନ୍ତିପୁରାରେ ସୁରକ୍ଷାକର୍ମୀ ଆତଙ୍କବାଦୀଙ୍କ ମଧ୍ୟରେ ଗଳି ବିନିମୟ ହୋଇଥିଲା । ଏଥିରେ ଲସ୍କର ଏ ତୋଏବାର ଦୁଇ ସଦସ୍ୟଙ୍କ ମୃତ୍ୟୁ ହୋଇଛି । ସେମାନଙ୍କ ନିକଟରୁ ଗୋଟିଏ ଏକେ-୪୭ ରାଇଫଲ, ୪ଟି ମାଗାଜିନ ଓ ଗୋଟିଏ ବନ୍ଧୁକ ଜବତ କରାଯାଇଛି ।

J&K | Two LeT terrorists were killed in Srinagar's Soura, police recovered one AK-47

(Visuals from the spot) pic.twitter.com/u7urdXmy0V

— ANI (@ANI) May 27, 2022

ଏହି ଦୁଇ ଆତଙ୍କବାଦୀ ଜାମ୍ମୁ-କାଶ୍ମୀରର ସିରିଏଲ ଅଭିନେତ୍ରୀ ଅମରିନ ଭଟ୍ଟଙ୍କ ହତ୍ୟାକାଣ୍ଡରେ ସମ୍ପୃକ୍ତି ଥିଲା । ଅମରିନ ଭଟ୍ଟଙ୍କ ହତ୍ୟା ପାଇଁ ଦୁଇ ଆତଙ୍କବାଦୀଙ୍କୁ ନିର୍ଦ୍ଦେଶ ଦେଇଥିଲା ପାକିସ୍ତାନରେ ଥିବା ଲସ୍କର ଏ ତୋଏବାର କମାଣ୍ଡର । ସେପଟେ କାଶ୍ମୀରରେ ଆତଙ୍କବାଦୀ କାର୍ଯ୍ୟକଳାପ ବଢୁଥିବା ବେଳେ ଗତ ତିନି ଦିନରେ ୧୦ ଜଣ ଆତଙ୍କବାଦୀଙ୍କୁ ଏନକାଉଣ୍ଟର କରାଯାଇଛି । ନିହତ ଅନ୍ୟ ୭ ଆତଙ୍କବାଦୀ ଲସ୍କର ଏ ତୋଏବା ଓ ଜୈଶ ଏ ମହମ୍ମଦର ସଦସ୍ୟ ବୋଲି ସୂଚନା ଦେଇଛନ୍ତି ଜାମ୍ମୁ-କାଶ୍ମୀର IGP ।