ଉପରମୁଣ୍ଡରେ ଜଳ ବଢୁଥିବାରୁ ଖୋଲିଲା ହୀରାକୁଦ ଡ୍ୟାମର ଆଉ ୧୦ଟି ଗେଟ୍
ସମ୍ବଲପୁର : ଖୋଲିଲା ହୀରାକୁଦ ଡ୍ୟାମର ଆଉ ୧୦ଟି ଗେଟ୍ । ଉପରମୁଣ୍ଡରୁ ଜଳ ପ୍ରବାହ ବଢୁଥିବାରୁ ଆଉ ୧୦ ଗେଟ୍ ଖୋଲାଯାଇଛି । ପୂର୍ବରୁ ୬ଟି ଗେଟ୍ ଦଇ ଜଳ ନିଷ୍କାସନ ହେଉଥିଲା । ଆଉ ୧୦ଟି ଗେଟ୍ ଖୋଲିବା ପରେ ମୋଟ୍ ୧୬ଟି ଗେଟ୍ ଦେଇ ପାଣି ଛଡ଼ାଯାଉଛି । ବାମପାର୍ଶ୍ବରେ ୧୦ ଓ ଦକ୍ଷିଣ ପାର୍ଶ୍ବରେ ୬ଟି ସୁଇସ୍ ଗେଟ୍, ମୋଟ୍ ୧୬ଟି ଗେଟ୍ ଦେଇ ଛଡ଼ାଯାଉଛି ପାଣି । ହୀରାକୁଦ ଜଳଭଣ୍ଡାରର ସର୍ବାଧିକ ଜଳ ଧାରଣା କ୍ଷମତା ୬୩୦ ଫୁଟ୍ ଥିବାବେଳେ ବର୍ତ୍ତମାନ ୬୨୯ ଦଶମିକ ୫୬ ଫୁଟରେ ପହଞ୍ଛି । ଏବେ ୧୬ଟି ଗେଟ୍ ଦେଇ ପାଣି ଛଡ଼ାଯାଉଥିବା ବେଳେ ଉପର ମୁଣ୍ଡର ବିଭିନ୍ନ ସ୍ଥାନରେ ବର୍ଷା ଲାଗି ରହିଥିବାରୁ ଆବଶ୍ୟକ ସ୍ଥଳେ ଅଧିକ ଗେଟ ଖୋଲାଯିବ । 
ହୀରାକୁଦ ଡ୍ୟାମ କର୍ତ୍ତୃପକ୍ଷ ଏହି ସୂଚନା ଦେଇଛନ୍ତି । ବର୍ତ୍ତମାନ ପ୍ରତି ସେକେଣ୍ଡରେ ହୀରାକୁଦ ଡ୍ୟାମ ଭିତରକୁ ପ୍ରବେଶ କରୁଛି ୨ ଲକ୍ଷ ୧୭ ହଜାର ୪୯୪ ଘନଫୁଟ ଜଳ । ୧୬ଟି ଗେଟ ଦେଇ ୨ ଲକ୍ଷ ୯୫ ହଜାର ୬୨୭ ଘନଫୁଟ ଜଳ ନିଷ୍କାସିତ ହେଉଛି ।
