ଦେଶରେ ବ୍ୟାପୁଛି ଓମିକ୍ରନ୍, ମହାରାଷ୍ଟ୍ରରେ ୧୦ ମନ୍ତ୍ରୀ କୋଭିଡ୍ ସଂକ୍ରମିତ

1 min read
10 Ministers And Over 20 MLA's Have Tested Positive For COVID19 In Maharashtra

ନୂଆଦିଲ୍ଲୀ: ଦେଶରେ ବଢ଼ୁଛି ଓମିକ୍ରନ୍ ସଂକ୍ରମିତଙ୍କ ସଂଖ୍ୟା । ଦେଶରେ ଏଯାବତ୍ ୧ ହଜାର ୪୩୧ ଜଣ ଓମିକ୍ରନରେ ଆକ୍ରାନ୍ତ ହୋଇଛନ୍ତି । ୨୩ଟି ରାଜ୍ୟ ଓ କେନ୍ଦ୍ରଶା ସିତ ଅଞ୍ଚଳରେ କାୟା ମେଲାଇଲାଣି ଓମିକ୍ରନ୍ । ଗତ ୨୭୫ ଦିନ ମଧ୍ୟରେ ସର୍ବାଧିକ କୋଭିଡ୍ ସଂକ୍ରମିତ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟାରେ ଦେଶରେ ୨୨ ହଜାର ୭୭୫ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଯାହାକି ଶୁକ୍ରବାର ଅପେକ୍ଷା ୩୫.୯ ପ୍ରତିଶତ ଅଧିକ । ଏଥିସହ ଗତ ୨୪ ଘଣ୍ଟାରେ ପ୍ରାଣ ହରାଇଛନ୍ତି ୪୦୬ ଜଣ ।

ସେପଟେ ମହାରାଷ୍ଟ୍ରରେ ବଢିଛି କରୋନା ସଂକ୍ରମଣ । ରାଜ୍ୟର ୧୦ ମନ୍ତ୍ରୀ ଓ ୨୦ରୁ ଅଧିକ ବିଧାୟକ କୋଭିଡ୍ ପଜିଟିଭ୍ ଚିହ୍ନଟ ହୋଇଛନ୍ତି । ଏନେଇ ସୂଚନା ଦେଇଛନ୍ତି ଉପମୁଖ୍ୟମନ୍ତ୍ରୀ ଅଜିତ୍ ପାୱାର । ଗତ କିଛିଦିନ ଧରି ରାଜ୍ୟରେ କୋଭିଡ୍ ସଂକ୍ରମଣ ବୃଦ୍ଧି ପାଉଥିବା ବେଳେ ମନ୍ତ୍ରୀ ଓ ବିଧାୟକ ସଂକ୍ରମିତ ହେବା ରାଜ୍ୟ ସରକାରଙ୍କ ଲାଗି ଚିନ୍ତାର କାରଣ ହୋଇଛି ।

ମହାରାଷ୍ଟ୍ରରେ ସର୍ବାଧିକ ୮ ହଜାର ୬୭ ଜଣ ଲୋକ କରୋନା ସଂକ୍ରମିତ ହୋଇଛନ୍ତି । ଦ୍ୱିତୀୟ ସ୍ଥାନରେ ରହିଛି ପଶ୍ଚିମବଙ୍ଗ । ପଶ୍ଚିମବଙ୍ଗରେ ୩ ହଜାର ୪୫୧ ଲୋକ ସଂକ୍ରମିତ ହୋଇଥିବା ବେଳେ କେରଳରେ ୨ ହଜାର ୬୭୬ ଲୋକ ସଂକ୍ରମିତ ହୋଇଛନ୍ତି । ଦିଲ୍ଲୀରେ ୧ ହଜାର ୭୯୬ ଓ ତାମିଲନାଡୁରେ ୧ ହଜାର ୧୫୫ ଜଣ ସଂକ୍ରମିତ ହୋଇଛନ୍ତି ।

About Post Author

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.