ଝରକା ତାଡି ୧୦ ଲକ୍ଷ ଟଙ୍କାର ଗହଣା ଲୁଟି ନେଲେ
1 min read
ଭୁବନେଶ୍ବର: ରାଜଧାନୀରେ ଲୁଟେରା ରାଜ । ପୁଣି ଏକ ଲୁଟ । ଝରକା ତାଡି ଲୁଟି ନେଲେ ୧୦ ଲକ୍ଷ ଟଙ୍କାର ଗହଣା । ଜାଗମରା କ୍ରିଷ୍ଣା ଗାର୍ଡନ ଫେଜ-୧ରୁ ହୋଇଛି ଚୋରି ।
ଅଭିଯୋଗ ଅନୁସାରେ, ଜାଗମରା ଅଞ୍ଚଳର ମାନିନୀ ମିଶ୍ର ଓ ତାଙ୍କ ସ୍ବାମୀ ସୋମବାର ପୁରୀ ଯାଇଥିଲେ । ପୁଅ ତାଲା ପକାଇ ବାହାରକୁ ଖେଳିବାକୁ ଯାଇଥିଲେ । ପୁଅ ଘରକୁ ଫେରିବା ପରେ ତାଲା ଭଙ୍ଗା ଯାଇଥିବା ଦେଖିବାକୁ ପାଇଥିଲେ । ଏହାସହ ଆଲମିରା ଲକ୍ ମଧ୍ୟ ଭଙ୍ଗା ହୋଇ ଖୋଲା ପଡ଼ିଥିଲା । ସେଥିରେ ଥିବା ୩ଟି ସୁନା ଚେନ, ୫ ହଳ ସୁନା କାନଫୁଲ, ୩ ହଳ ସୁନା ଶଙ୍ଖା, ୨ ହଳ ଚୁଡି, ୩ ଟା ସୁନା ମୁଦି, ଗୋଟିଏ ସୁନା ଲକେଟ୍, ୪ ହଳ ରୂପା ପାଉଁଜି ଓ ୩ ହଳ ଝୁଣ୍ଟିଆକୁ ଦୁର୍ବୃତ୍ତମାନେ ଚୋରି କରି ନେଇଥିବା ଅଭିଯୋଗ ହୋଇଛି ।
ଏନେଇ ଖଣ୍ଡଗିରି ଥାନାରେ ଏତଲା ଦେଇଛନ୍ତି ମାନିନୀ । ଖଣ୍ଡଗିରି ଥାନା ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଘଟଣାସ୍ଥଳର ଆଖପାଖରେ ଲାଗିଥିବା ସିସିଟିଭି କ୍ୟାମେରା ଫୁଟେଜରୁ 3 ଜଣ ଲୁଟେରା ଆସି ଲୁଟ୍ କରି ଥିବା ଜଣାପଡ଼ିଛି ।
