କଟକ IIFL ସୁନା ଲୁଟ ଘଟଣା: ଏପର୍ଯ୍ୟନ୍ତ ସୁଦ୍ଧା ୧୦କେଜି ସୁନା ଜବତ
କଟକ: କଟକ ଆଇ ଆଇ ଏଫ୍ ଏଲ ସୁନା ଲୁଟ ଘଟଣା । ଏ ଯାଏଁ ୧୦ କିଲୋ ସୁନା ଗହଣା ଠାବ ହୋଇଥିବା ସୂଚନା ଦେଇଛନ୍ତି ପୋଲିସ କମିଶନର । ମାନାପୁରମର ଦୁଇଟି ବ୍ରାଞ୍ଚରୁ ୬ କିଲୋ ୭ଶହ ସୁନା ମିଳିଥିବା ବେଳେ ଗିରଫଦାରୀ ସଂଖ୍ୟା ଆଗକୁ ବଢିପାରେ ବୋଲି ସିପି କହିଛନ୍ତି । ସଂସ୍ଥାରୁ ଠାବ ହୋଇଥିବା ସମସ୍ତ ସୁନା ପୋଲିସ ହେପାଜତରେ ରହିବ । ସୁନା ବନ୍ଧକ ଥିବା ଲୋକେ ଫେରାଇବା ଦାୟିତ୍ଵ ଆଇ ଆଇ ଏଫ୍ ଏଲ ସଂସ୍ଥାର ବୋଲି କହିଛନ୍ତି ପୋଲିସ କମିଶନର ।
ନୟାସଡ଼କ ଆଇଆଇଏଫଏଲ ଫାଇନାନ୍ସ ଲୁଟ ଘଟଣାରେ ଦୁଇ ଅଳଙ୍କାର ବ୍ୟବସାୟୀଙ୍କୁ ଗିରଫ କରିଛି ପୋଲିସ । ଏହାକୁ ମିଶାଇ ଏଯାବତ ୧୦ ଜଣଙ୍କୁ ଗିରଫ କରାଗଲାଣି । ମଙ୍ଗଳାବାଗ ଓ ପୁରୀଘାଟର ଦୁଇ ଅଳଙ୍କାର ବ୍ୟବସାୟୀଙ୍କୁ ଲୁଟ ଘଟଣାର ମାଷ୍ଟର ମାଇଣ୍ଡ ଲାଲା ସହିତ ସଂପୃକ୍ତି ନେଇ ଗିରଫ କରାଯାଇଛି । ପୂର୍ବରୁ ମାଷ୍ଟରମାଇଣ୍ଡ ଲାଲା ଅମୃତ ରାୟ ସମେତ ୫ ଅଭିଯୁକ୍ତଙ୍କୁ ୩ଦିନିଆ ରିମାଣ୍ଡରେ ନେଇଥିଲା କମିଶନରେଟ ପୋଲିସ । ଯାହାର ଅବଧି ଆଜି ସରୁଛି । ରିମାଣ୍ଡ ବେଳେ ଘଟଣାସ୍ଥଳରେ ଅଭିଯୁକ୍ତଙ୍କୁ ଧରି ଡେମୋ କରାଯାଇଖିଲା । ରିମାଣ୍ଡରେ ଥିବା ମାଷ୍ଟର ମାଇଣ୍ଡ ଓ ୪ ଲୁଟେରା ପୋଲିସକୁ ଲୁଟ୍ର ଲାଇଭ ଦୃଶ୍ୟ ଦେଖାଇଥିଲେ । ପ୍ରଥମେ ମୁଖ୍ୟରାସ୍ତାରେ ପରେ ଶାଖା ଭିତରେ ଡେମୋ କରାଯାଇଥିଲା ।
ସେପଟେ ବଜ୍ରକବାଟି ରୋଡରେ ଥିବା ମାନାପୁରମ ଶାଖା ମ୍ୟାନେଜର ପୀତାମ୍ବର ସାହୁଙ୍କୁ ଉଠାଇନେଇଛି ପୋଲିସ । ତାଙ୍କୁ ପଚରାଉଚରା ଜାରି ରହିଛି । ନକଲି ପ୍ରୋଫାଇଲ କରି ଲୋନ ଦିଆଯାଉଥିଲା ବୋଲି ପୋଲିସ ଜାଣିବାକୁ ପାଇଛି । ପୀତାମ୍ବର ଗତ ୫ ବର୍ଷ ହେଲା ମାନାପୁରମର ବିଭିନ୍ନ ଶାଖାରେ କାମ କରୁଥିଲେ । ସେପଟେ ଘଟଣାରେ ପୂର୍ବରୁ ଲାଲା, ଭାଇ ରଞ୍ଜନ ଓ ପ୍ରମୁଖ ସହଯୋଗୀ ନୀଳିମା ଲେଙ୍କାଙ୍କ ସମେତ ୭ ଜଣଙ୍କୁ ଗିରଫ କରିଥିଲା ପୋଲିସ । ଫେକ୍ ଆକାଉଣ୍ଟ କରି ଏମାନେ ଲୁଟ୍ର ରଚିଥିଲେ ବ୍ଲୁ ପ୍ରିଣ୍ଟ । ଘଟଣାରେ ଏବେ ସୁଦ୍ଧା ୩ କେଜି ସୁନା ଓ ୫ ଲକ୍ଷ ଟଙ୍କା ଜବତ ହୋଇଛି । ଅଡି କାର, ବଜାଜ ପଲସର ଓ ହୋଣ୍ଡା ଗାଡି ବି ଜବତ ହୋଇଛି ।
