କଲ୍ୟାଣ ମଣ୍ଡପରେ ଚାଲିଥିଲା ଜୁଆ ଆଡ୍ଡା; ୧୦ ଗିରଫ, ୧ ଲକ୍ଷ ଟଙ୍କା ଜବତ

ବାଲିପାଟଣା: ଜୁଆ ଆଡ୍ଡାରେ ରେଡ୍ । ଭୁବନେଶ୍ୱର ଉପକଣ୍ଠ ବାଲିଅନ୍ତା ଥାନା ବାଳକାଟୀ ଫାଣ୍ଡି ପୋଲିସ ବିଳମ୍ବିତ ରାତିରେ ଚଢ଼ାଉ କରୁଛିଷ । ଏକ ମଣ୍ଡପ ଉପରେ ଚାଲିଥିବା ଜୁଆ ଆଡ୍ଡାରେ ଚଢ଼ାଉ କରି ୧୦ ଜଣଙ୍କୁ ଗିରଫ କରିଛି ପୋଲିସ । ୧ ଲକ୍ଷ ଟଙ୍କାରୁ ଊର୍ଦ୍ଧ୍ୱ ଟଙ୍କା ଜବତ କରାଯାଇଛି । ଘଟଣା ସ୍ଥଳରୁ ୪ଟି ବାଇକ୍, ଗୋଟିଏ ଯାତ୍ରୀବାହୀ ଅଟୋ ସମେତ ୧୦ଟି ମୋବାଇଲ ଫୋନ ଜବତ ହୋଇଛି ।

ଗିରଫ ଜୁଆଡ଼ିଙ୍କ ଘର ବିଭିନ୍ନ ଅଞ୍ଚଳରେ ହୋଇଥିବା ବେଳେ ଉକ୍ତ ସ୍ଥାନରୁ ମଦ ଭର୍ତ୍ତି ପେଟି ଜବତ କରିଛି ପୋଲିସ । ଏକ କଲ୍ୟାଣ ମଣ୍ଡପରେ ଜୁଆ ଖେଳ ଚାଲିଥିବା କୌଣସି ସୂତ୍ରରୁ ପୋଲିସ ଖବର ପାଇ ଅଚାନକ ଚଢ଼ାଉ କରିଥିଲା । ଘଟଣା ସ୍ଥଳରୁ ଆଉ କେତେକ ଜୁଆଡ଼ି ଫେରାର ହୋଇଯାଇଥିବା ବେଳେ ମଣ୍ଡପ ମାଲିକଙ୍କୁ ଅଟକ ରଖି ଅଧିକ ତଦନ୍ତ କରୁଛି ପୋଲିସ ।