ପ୍ରୟାଗରାଜ: ଉତ୍ତରପ୍ରଦେଶରେ ବଡ଼ ଧରଣର ସଡ଼କ ଦୁର୍ଘଟଣା। ବୋଲେରୋ ଓ ବସ ମଧ୍ୟରେ ଧକ୍କାରେ ଚାଲିଗଲା ୧୦ ଶ୍ରଦ୍ଧାଳୁଙ୍କ ଜୀବନ। ୧୯ ଶ୍ରଦ୍ଧାଳୁ ଗୁରୁତର ଆହତ ହୋଇଛନ୍ତି। ମିର୍ଜାପୁର- ପ୍ରୟାଗରାଜ ଜାତୀୟ ରାଜପଥରେ ଘଟିଛି ଏ ମର୍ମନ୍ତୁଦ ସଡ଼କ ଦୁର୍ଘଟଣା। ମହାକୁମ୍ଭ ଲାଗି ଛତିଶଗଡ଼ରୁ ପ୍ରୟାଗରାଜ ଆସୁଥିଲେ ଶ୍ରଦ୍ଧାଳୁ। ଦୁର୍ଘଟଣାରେ ବୋଲେରୋ ଛିନଛତ୍ର ହୋଇଯାଇଛି। ଦୁର୍ଘଟଣା ପରେ କାନ୍ଦ ରଡ଼ିରେ ଫାଟି ପଡିଥିଲା ପରିବେଶ। ଲୋକେ ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ। ଗତକାଲି ମଧ୍ୟରାତ୍ରି ୧୨ ସମୟରେ ଘଟିଥିଲା ଏ ଭୟଙ୍କର ଦୁର୍ଘଟଣା। ମିର୍ଜାପୁର-ପ୍ରୟାଗରାଜର ମେଜା ଥାନା ଅଞ୍ଚଳରେ ଘଟିଛି ଏ ଦୁର୍ଘଟଣା। ମୃତଦେହ ଗୁଡିକୁ ଉଦ୍ଧାର କରି ବ୍ୟବଚ୍ଛେଦ ପାଇ ପଠାଯାଇଛି। ଘଟଣାର ତଦନ୍ତ ଜାରି ରହିଛି।
