ଅବକାରୀ କନେଷ୍ଟବଳ ଚାକିରୀ ପାଇଁ ଫିଜିକାଲ ଟେଷ୍ଟବେଳେ ୧୦ ଜଣଙ୍କ ମୃତ୍ୟୁ

ନନ୍ଦିଘୋଷ ବ୍ୟୁରରୋ: ଫିଜିକାଲ ଟେଷ୍ଟ ବେଳେ ଚାଲିଗଲା ୧୦ ଜଣଙ୍କ ଜୀବନ । ଝାଡ଼ଖଣ୍ଡରୁ ଆସିଲା ଏଭଳି ଖବର । ଅବକାରୀ କନେଷ୍ଟବଳ ପାଇଁ ଫିଜିକାଲ ଟେଷ୍ଟବେଳେ ଏଭଳ ଅଘଟଣ ଘଟିଛି । ତେବେ ଏହାକୁ ନେଇ ଏବେ ରାଜ୍ୟରେ ଆରମ୍ଭ ହୋଇଛି ରାଜନୀତି । ବିରୋଧୀ ବିଜେପି ସରକାରଙ୍କୁ ଘେରିବା ସହ ଭୁଲ ପରିଚାଳନା ପାଇଁ ଏଭଳି ଘଟିଥିବା କହିଛନ୍ତି । ସେପଟେ ଏହି ଘଟଣାରେ ପୋଲିସ ପକ୍ଷରୁ ତଦନ୍ତ ଚାଲିଥିବା କୁହାଯାଇଛି । କାହିଁକି ପ୍ରାର୍ଥୀଙ୍କ ଏଭଳି ଅକାଳ ମୃତ୍ୟୁ ହେଲା ଏହା ପଛର କାରଣ ଖୋଜା ଯାଉଛି । ଏହାସହ ପରୀକ୍ଷା ହେଉଥିବା କେନ୍ଦ୍ରରେ ମେଡିକାଲ ଟିମ, ପାନୀୟ ଜଳଠାରୁ ଆରମ୍ଭ କରି ସମସ୍ତ ବ୍ୟବସ୍ଥା ରହିଥିଲା । ମାତ୍ର ଏଭଳି ଅଘଟଣ କାହିଁକି ହେଲା ତାହା ସ୍ପଷ୍ଠ ହୋଇନାହିଁ । ଏହାର ତଦନ୍ତ ଜାରୀ ରହିଛି ।

ସେପଟେ ବିଜେପି ପକ୍ଷରୁ କୁହାଯାଇଛି କି, ୧୦ ମୃତକଙ୍କ ପରିବାରକୁ କ୍ଷତି ପୂରଣ ଦେବା ସହ ପରିବାରର ଜଣକୁ ସରକାରୀ ଚାକିରୀ ପ୍ରଦାନ କରାଯାଉ । ସେପଟେ ପୋଲିସ ପକ୍ଷରୁ କୁହାଯାଇଛି କି, ତଦନ୍ତ ଜାରି ରହିଛି ।