‘ମୋ ସ୍କୁଲ’ ଅଭିଯାନକୁ ୧୦.୭୫ କୋଟି ଟଙ୍କା ଅନୁମୋଦନ

ଭୁବନେଶ୍ବର: ‘ମୋ ସ୍କୁଲ’ ଅଭିଯାନ ପ୍ରକଳ୍ପକୁ ୧୦.୭୫ କୋଟି ଟଙ୍କା ଅନୁମୋଦନ କରିଛନ୍ତି ରାଜ୍ୟ ସରକାର । ଗଣଶିକ୍ଷା ବିଭାଗର ପ୍ରମୁଖ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ନିଆଯାଇଛି ଏହି ନିଷ୍ପତି । ଏହି ଯୋଜନା ଜରିଆରେ ୨୦ହଜାର ପୁରାତନ ଛାତ୍ରଛାତ୍ରୀ ସାମିଲ ହୋଇଥିବା ଜଣାପଡିଛି ।

ଓଡ଼ିଶାର ମୋଟ ୨୬୫୭ଟି ବିଦ୍ୟାଳୟର ପ୍ରକଳ୍ପକୁ ସ୍ୱୀକୃତି ପ୍ରଦାନ କରାଯାଇଛି । ଗଜପତିରେ ୫୩.୭୨ ଲକ୍ଷ, ସୁନ୍ଦରଗଡ଼ରେ ୪୬.୭୨ଲକ୍ଷ ଟଙ୍କା ପ୍ରଦାନ କରାଯାଇଥିବା ବେଳେ କଳାହାଣ୍ଡିରେ ୩୬.୦୭, ବାଲେଶ୍ୱରରେ ୩୫.୯୨, କଟକରେ ୨୧.୯୩ ଟଙ୍କା ପ୍ରଦାନ କରାଯାଇଛି ।

ଶୁକ୍ରବାର ବସିଥିବା ବୈଠକରେ ମୋ ସ୍କୁଲ ଅଭିଯାନକୁ ସୁଦୃଢ଼ କରିବାକୁ ନିର୍ଦ୍ଦେଶ ଦେଇଥିଲେ ସଚିବ । ପ୍ରତି ଜିଲ୍ଲା ଓ ଗୋଷ୍ଠୀସ୍ତରରେ ସହାୟତା ଦଳ ଗଠନ କରାଯିବ । ଏହାକୁ ଅଧିକ କ୍ରିୟାଶୀଳ କରିବାକୁ ପୁରାତନ ଛାତ୍ରଙ୍କୁ ଦାୟିତ୍ୱ ପ୍ରଦାନ କରାଯିବ ବୋଲି ନିଷ୍କର୍ଷ ହୋଇଛି ନିଷ୍ପତି ।