ରାଜ୍ୟ ପାଇଁ ଭଲ ଖବର, ସୁସ୍ଥ ହେଲେ ଆଉ ଜଣେ କରୋନା ରୋଗୀ
1 min read
ଭୁବନେଶ୍ୱର: ରାଜ୍ୟରେ କାୟା ବିସ୍ତାର କରୁଛି କରୋନା ସଂକ୍ରମଣ । ଏଇ କିଛି ଦିନ ଭିତରେ କରୋନା ସଂକ୍ରମଣ କିଛି ମାତ୍ରାରେ ବଢ଼ିଯାଇଛି । ଫେରନ୍ତାଙ୍କ ଚିନ୍ତାରେ ପଢ଼ିଛି ସାରା ରାଜ୍ୟ । କାରଣ ଏଇ ଫେରନ୍ତାଙ୍କ ପାଇଁ ରାଜ୍ୟରେ ବଡ଼ିଛି କରୋନା ସଂକ୍ରମଣ । କିନ୍ତୁ ଏହାରି ଭିତରେ ରାଜ୍ୟରେ ସୁସ୍ଥ ହେଲେ ଆଉ ଜଣେ କରୋନା ଆକ୍ରାନ୍ତ । ସୁସ୍ଥ ହୋଇଥିବା ବ୍ୟକ୍ତି ଜଣକ ଭୁବନେଶ୍ୱରର । ସେ AIMSରେ ଚିକିତ୍ସୀତ ହେଉଥିଲେ ।
କରୋନାରୁ ସୁସ୍ଥ ହୋଇଥିଲେ ମଧ୍ୟ ବ୍ୟକ୍ତି ଜଣକ ଏ ପର୍ଯ୍ୟନ୍ତ ଡିସଚାର୍ଜ ହୋଇ ନାହାନ୍ତି । ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟା ଦୂର ହେବା ପରେ ଡିସଚାର୍ଜ ହେବେ ଯୁବକଜଣକ । ଏ ନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାବ ପକ୍ଷରୁ ସୂଚନା ଦିଆଯାଇଛି । ରାଜ୍ୟରେ ବର୍ତ୍ତମାନ ପର୍ଯ୍ୟନ୍ତ ମୋଟ ୩୫ ଜଣ ସୁସ୍ଥ ହୋଇଥିବାବେଳେ ୧୦୩ ଜଣ ସଂକ୍ରମିତ ହୋଇଛନ୍ତି । ସେହିଭଳି ଜଣଙ୍କର ମୃତ୍ୟୁ ହୋଇଛି ।
