NDA ପାଇଁ ମହିଳାଙ୍କ ଆଗ୍ରହ: ଆବେଦନ କଲେ ୧.୭୭ ଲକ୍ଷ

ନୂଆଦିଲ୍ଲୀ: ଘରର ଚାରିକାନ୍ଥରୁ ବାହାରି ଦେଶ ପାଇଁ କିଛି କରିବ ଦେଖାଇବାକୁ ଭାରତୀୟ ନାରୀଙ୍କ ମଧ୍ୟରେ ଆଗ୍ରାହ । ସେନାରେ ସାମିଲ ହେବାକୁ ଆଗଭର ନାରୀଶକ୍ତି ।ନ୍ୟାସନାଲ ଡିଫେନ୍ସ ଏକାଡେମୀ ପ୍ରତି ମହିଳାଙ୍କ ନାହିଁ ନଥିବା ଆଗ୍ରହ । ଏନଡିଏ ଲାଗି ଆବେଦନ କରିଛନ୍ତି ୧ ଲକ୍ଷ ୭୭ ହଜାର ମହିଳା ପ୍ରାର୍ଥୀ । ଏନେଇ ସଂସଦରେ ସୂଚନା ଦେଲେ ସରକାର ।

ରାଜ୍ୟସଭାରେ ଏକ ପ୍ରଶ୍ନର ଉତ୍ତର ଦେଇ ପ୍ରତିରକ୍ଷା ରାଷ୍ଟ୍ରମନ୍ତ୍ରୀ ଅଜୟ ଭଟ୍ଟ କହିଛନ୍ତି ‘ଏନଡିଏ ଲାଗି  ୫ ଲକ୍ଷ ୭୫ ହଜାର ୮୫୬ଟି ଆବେଦନ ପତ୍ର ଆସିଛି । ତନ୍ମଧ୍ୟରୁ ୧ ଲକ୍ଷ ୭୭ ହଜାର ୬୫୪ ଛାତ୍ରୀ ଅଛନ୍ତି । ଏନଡିଏରେ ମହିଳାଙ୍କ ନିଯୁକ୍ତି ଲାଗି ସମସ୍ତ ପ୍ରକାର ଭିତ୍ତିଭୂମିର ବ୍ୟବସ୍ଥା କରାଯାଉଛି । ମହିଳା ଆବେଦନକାରୀଙ୍କ ସଂଖ୍ୟା ନେଇ କୌଣସି କଟକଣା ନାହିଁ ।’

ଗତ ଅଗଷ୍ଟରେ ଏନଡିଏରେ ମହିଳାଙ୍କ ପ୍ରବେଶ ନେଇ ସୁପ୍ରିମକୋର୍ଟ ସବୁଜ ସଙ୍କେତ ଦେବା ପରେ ମହିଳାଙ୍କ ଲାଗି ସୁଯୋଗ ସୃଷ୍ଟି ହୋଇଥିଲା ।