ଧନୁଯାତ୍ରା ମହୋତ୍ସବରେ ଅଘଟଣ, ଦୋକାନ ଉପରେ ଚଢ଼ିଗଲା କୋଇଲା ବୋଝେଇ ଟ୍ରକ୍
ସମ୍ବଲପୁର: ଧନୁଯାତ୍ରା ମହୋତ୍ସବରେ ଅଘଟଣ । ସମ୍ବଲପୁର ପରମାଣପୁରରେ ଧନୁଯାତ୍ରାର ଷଷ୍ଠ ଦିନରେ ଦୁର୍ଘଟଣା ଘଟିଛି । ରାସ୍ତାକଡରେ ଥିବା ଦୋକାନ ଉପରେ କୋଇଲା ବୋଝେଇ ଟ୍ରକ୍ ଚଢିଯିବାରୁ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି । ଅନ୍ୟ ୫ଜଣ ଗୁରୁତର ଆହତ ହୋଇଥିବା ବେଳେ ଅନ୍ୟ ୩ଜଣ ସାମାନ୍ୟ ଆହତ ହୋଇଛନ୍ତି ।
ଗୁରୁତର ମାନଙ୍କୁ ଚିକିତ୍ସା ପାଇଁ ସମ୍ବଲପୁର ସଦର ଡାକ୍ତରଖାନାରେ ଭର୍ତ୍ତି କରାଯାଇଛି । ଏହାସହ ସ୍ଥାନୀୟ ଲୋକଙ୍କ ସହଯୋଗରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି । ଶାସନ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଆହତ ମାନଙ୍କୁ ମେଡିକାଲରେ ଭର୍ତ୍ତି କରିଛନ୍ତି ।
