ସମ୍ପତି ଲୋଭ ନେଲା ୭ ବର୍ଷ ଝିଅର ଜୀବନ,ଦାଦା ସାଜିଲା ହତ୍ୟାକାରୀ

ଝାରସୁଗୁଡା: ଝାରସୁଗୁଡା ଜିଲ୍ଲା ବ୍ରଜରାଜନଗର ସ୍ଥିତ ହରିଓଁ ବିହାର ଅଗ୍ନିକାଣ୍ଡ ଘଟଣା। ଚିକିତ୍ସାଧିନ ଅବସ୍ଥାରେ ୭ ବର୍ଷର ଇସ୍ମିତ କୌରଙ୍କ ମୃତ୍ୟୁ ହୋଇଥିବା ବ୍ରଜରାଜନଗର ଏସଡ଼ିପିଓ ଦିଲ୍ଲିପ ଦାଶ ସୂଚନା ଦେଇଛନ୍ତି। ପୂର୍ବରୁ ଏହି ଘଟଣାର ପର୍ଦାଫାଶ କରି ୩ଜଣକୁ ଗିରଫ କରି କୋଟ ଚାଲାଣ କରିଥିଲା  ଝାରସୁଗୁଡା ପୋଲିସ। ପରେ ଏହା ଏକ ସୁଚିନ୍ତିତ ହତ୍ୟା କାଣ୍ଡ ବୋଲି ଘଟଣାଟି ପଦାକୁ ଆସିଥିଲା।

ଘରର ସାନପୁଅ ସମ୍ପତି ଲୋଭ ଏବଂ ନିଜେ ପ୍ରେମ ବିବାହ କରିଥିବା ସ୍ତ୍ରୀଙ୍କୁ ଘର ଲୋକେ ସ୍ୱୀକୃତି ଦେଇନଥିବାରୁ ପେଟ୍ରୋଲ ଢ଼ାଳି ଏଭଳି ଘଟଣା ଭିଆଇଥିଲା । ଗତ ୧୧ତାରିଖରେ ଏକ ଘରେ ନିଆଁ ଲାଗି ୪ ଜଣ ଆହତ ହୋଇ ରାଉରକେଲା ସ୍ଥିତ IGHରେ ଚିକିତ୍ସିତ ହୋଉଥିଲେ। ଆଜି ନାତୁଣୀ ଇସ୍ମିତ କୌରଙ୍କ ମୃତ୍ୟୁ ହୋଇଛି। ଅନ୍ୟ ଗୁରୁତର ମାନେ ହେଲେ ପୁଅ ରାଜେନ୍ଦର ସିଂ, ଝିଅ ମଂଜୀତ କୌର, ମା ବଳଜୀତ କୌର।