ଗଜପତିରେ କରୋନା ଗୁଜବ ପ୍ରଚାର କରି ଜଣେ ଗିରଫ
ଗଜପତି: ପୂର୍ବରୁ କରୋନା ଭାଇରସକୁ ନେଇ ଗୁଜବ ପ୍ରଚାର କରି ୬ଜଣ ବ୍ୟକ୍ତି ଗିରଫ ହୋଇଥିଲେ । କରୋନା ସଚେତନତାକୁ କଡ଼ାକଡ଼ି କରାଯାଇଥିଲେ ମଧ୍ୟ କିଛି ବ୍ୟକ୍ତି ଏହାକୁ ନେଇ ଗୁଜବ ପ୍ରଚାର କରିବାରେ ଲାଗିଛନ୍ତି ।
ଗଜପତି ଜିଲ୍ଲା ମୋହନା ବ୍ଲକରେ ଆଜି ଆଉ ଜଣେ ବ୍ୟକ୍ତି କରୋନା ଗୁଜବ ପ୍ରତାର କରିବା ଅଭିଯୋଗରେ ଗିରଫ ହୋଇଛନ୍ତି । ଗିରଫ ଯୁବକ ଜଣଙ୍କ ହେଉଛନ୍ତି ମୋହନା ବ୍ଲକ ମଳାସପଦର ଗ୍ରାମର ସୂର୍ଯ୍ୟ ପ୍ରଧାନ ।
ବେତାକସିଂ ଗ୍ରାମର ଜଣେ ବ୍ୟକ୍ତି କରୋନା ଆକ୍ରାନ୍ତ ବୋଲି ହୋଇଥିବା ଗୁଜବକୁ ନେଇ ଫେସବୁକରେ ପ୍ରଚାର କରିଥିଲେ । ତାଙ୍କୁ ପରବର୍ତ୍ତୀ ସମୟରେ ମୋହନା ପୋଲିସ ମିଛ କରୋନା ଗୁଜବ ପ୍ରଚାର କରିବା ଅଭିଯୋଗରେ ଗିରଫ କରିଛି ।
