ସମ୍ବଲପୁରରୁ କରିଥିଲା ସାଇବର ଠକେଇ, ଫରିଦାବାଦରୁ ହେଲା ଗିରଫ

ସମ୍ବଲପୁର: ସମ୍ବଲପୁର ସାଇବର ପୋଲିସକୁ ବଡ଼ ସଫଳତା। ସମ୍ବଲପୁରରୁ ସାଇବର ଠକେଇ କରିଥିବା ଠକ ଫରିଦାବାଦରୁ ଗିରଫ। କରୋନା ସମୟରେ ଅନଲାଇନ ମାଧ୍ୟମରେ ଫେସମାସ୍କ ଯୋଗାଇ ଦେବା ନାରେ ୨୬ ଲକ୍ଷ ୫୦ ହଜ଼ାର ଟଙ୍କା ହୋଇଥିଲା ଠକେଇ। ରାଜ୍ୟ ବାହାରେ ହୋଇଥିଲା ଠକେଇ। ମୁଖ୍ୟ ଅଭିଯୁକ୍ତ ଯତୀନ ଶେହଗାଲକୁ ଗିରଫ କଲା ପୋଲିସ। ଫରିଦାବାଦରୁ ଅଭିଯୁକ୍ତକୁ ଗିରଫ କଲା ସମ୍ବଲପୁର ପୋଲିସ। ଅଭିଯୁକ୍ତ ଠାରୁ ୧୦ ଲକ୍ଷ ଟଙ୍କା ଜବତ କରିଛି ପୋଲିସ। ମିଳିଥିବା ସୂଚନା ଅନୁସାରେ ସମ୍ବଲପୁରର ମାସ୍କ ବ୍ୟବସାୟୀ ମନୋଜ କୁମାର ସାଇବର ଠକକୁ ଫେଜ ଫେଜ କରି ୨୬ ଲକ୍ଷ ୫୦ ହଜାର ଦେଇଥିବା ଥାନାରେ ଅଭିଯୋଗ କରିଥିଲେ। ସାଇବର ପୋଲିସ ଦିଲ୍ଲୀ ଗାଜିଆବାଦ ଓ ଫରିଦାବାଦରେ ୭ ଦିନ ଡେରା ମାରିବା ପରେ ଧରିବାରେ ସଫଳ ହୋଇଛି। ତାଠାରୁ ଗୋଟିଏ ମୋବାଇଲ ଫୋନ ୧୦ ଟି ସିମକାର୍ଡ ଜବତ କରିଛି ପୋଲିସ।