ଜାଗା ମିଶନରେ ଉପକୃତ ହେବ ୧ ଲକ୍ଷ ୯୦ ପରିବାର
ଭୁବନେଶ୍ବର: ରାଜ୍ୟ କ୍ୟାବିନେଟରେ ଗୁରୁତ୍ବପୂର୍ଣ୍ଣ ନିଷ୍ପତ୍ତି । ୫ ମହାନଗର ନିଗମ ପାଇଁ ରାଜ୍ୟ ସରକାରଙ୍କ ଐତିହାସିକ ପଦକ୍ଷେପ । ଲ୍ୟାଣ୍ଡ ରାଇଟ୍ସକୁ ଆକ୍ଟ ଅନୁସାରେ ମିଳିବ ଜମି । ଉପକୃତ ହେବ ୧ ଲକ୍ଷ ୯୦ ପରିବାର । ଜାଗା ମିଶନରେ ବସ୍ତି ବାସିନ୍ଦାଙ୍କୁ ଯୋଗାଇ ଦିଆଯିବ ଜାଗା ।
୫ ମହାନଗର ନିଗମରେ ୯୩୮ଟି ବସ୍ତିର ୮ ଲକ୍ଷ ୫୮ ହଜାର ଲୋକ ହେବେ ଉପକୃତ । ୬ ମାସ ଭିତରେ ଶେଷ ହେବ ଜମି ଯୋଗାଣ କାର୍ଯ୍ୟକ୍ରମ । ପୃଥିବୀର ସବୁଠୁ ବଡ଼ କାର୍ଯ୍ୟକ୍ରମ ହେଉଛି ‘ଜାଗା ମିଶନ’ । ଯାହା କ୍ୟାବିନେଟ୍ ବୈଠକରେ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ।
ଏହା ବସ୍ତିବାସିନ୍ଦାଙ୍କୁ ସେମାନେ ବସବାସ କରୁଥିବା ସହରରେ ସେମାନଙ୍କ ସମ୍ପୂର୍ଣ ଅଧିକାର ଅଛି ବୋଲି ଭରସା ଯୋଗାଇବ ଏବଂ ଲୋକଙ୍କ ମୂଲ୍ୟ, ଭୂମି ମୂଲ୍ୟଠାରୁ ଅଧିକ ବୋଲି ସରକାରଙ୍କର ବିଶ୍ଵାସକୁ ପ୍ରତିପାଦିତ କରୁଛି ।
