ମୁମ୍ବାଇ: ଆଇପିଏଲ ସିଜନ -୧୫ରେ ଆଜି ଖେଳାଯାଇଥିବା ପ୍ରଥମ ମ୍ୟାଚରେ ରାଜସ୍ଥାନ ରୟାଲସ, ମୁମ୍ବାଇ ଇଣ୍ଡିଆନସକୁ ୨୩ ରନରେ ହରାଇଛି । ରାଜସ୍ଥାନ ରୟାଲସ ଦ୍ବାରା ଧାର୍ଯ୍ୟ ୧୯୪ ରନର ଟାର୍ଗେଟ ପିଚ୍ଛା କରି ମୁମ୍ବାଇ ଇଣ୍ଡିଆନ୍ସ ନିର୍ଦ୍ଧାରିତ ଓଭରରେ ୮ ଓ୍ବିକେଟ ହରାଇ ମାତ୍ର ୧୭୦ ରନ୍ ହିଁ କରିପାରିଥିଲା ।
ପ୍ରଥମେ ବ୍ୟାଟିଂ କରି ରାଜସ୍ଥାନ ଜସ୍ ବଟଲରଙ୍କ ଶତକ ବଳରେ ନିର୍ଦ୍ଧାରିତ ଓଭରରେ ୮ ଓ୍ବିକେଟ ହରାଇ ୧୯୩ ରନ୍ କରିଥିଲା । ମୁମ୍ବାଇ ପକ୍ଷରୁ ଯଶପ୍ରୀତ ବୁମରା ଓ ଟି. ମିଲସ୍ ୩ଟି ଲେଖାଏଁ ଓ୍ବିକେଟ ନେଇଥିଲେ । ଆଜିର ଦ୍ବିତୀୟ ମ୍ୟାଚ୍ ଗୁଜରାଟ ଟାଇଟାନ୍ସ ଓ ଦିଲ୍ଲୀ କ୍ୟାପିଟାଲସ ମଧ୍ୟରେ ଖେଳାଯାଉଛି ।
ସେପଟେ ମୁମ୍ବାଇ ହାରିବାର ବଡ଼ କାରଣ ପାଲଟିଛନ୍ତି କୀରନ ପୋଲାର୍ଡ । ପୋଲାର୍ଡ଼ କେବଳ ୨୪ଟି ବଲରେ ୨୨ ରନ୍ ସଂଗ୍ରହ କରିଥିଲେ । ସେପଟେ ପୋଲାର୍ଡ ୧୩ ତମ ଓଭରରେ ବ୍ୟାଟିଙ୍ଗ କରିବାକୁ ଓହ୍ଲାଇଥିଲେ । ଯେଉଁ ସମୟରେ ଟିମ ସ୍କୋର ୧୨୧/୩ ରହିଥିଲା ଏବଂ ମୁମ୍ବାଇର ପୋଜିସନ ଭଲ ରହିଥିଲା ।
