ନୂଆଦିଲ୍ଲୀ: ଥଣ୍ଡାର କବଳରେ ପୂରା ଉତ୍ତର ଭାରତ । ମଙ୍ଗଳବାର ଦିଲ୍ଲୀରେ ନ୍ୟୁନତମ ତାପମାତ୍ରା ୪ଡିଗ୍ରୀ ସେଲ୍ସିୟସ୍ ରେକର୍ଡ କରାଯାଇଛି । ଏହି ଖରାପ ପାଗର ପ୍ରଭାବ ସିଧାସଳଖ ବିମାନ ବନ୍ଦର ଓ ଟ୍ରେନ ଉପରେ ପଡ଼ିଛି। ଦିଲ୍ଲୀ ବିମାନବନ୍ଦରରେ ପ୍ରଭାବିତ ହୋଇଛି ବିମାନ ସେବା ।
ବିଳମ୍ବ ହୋଇଛି ୪୫୦ ବିମାନ ଚଳାଚଳ । ସେହିପରି ୪୦ ବିମାନ ବାତିଲ ଓ ୨୧ର ରୁଟ୍ ଡାଇଭର୍ଟ କରାଯାଇଛି । ବିଳମ୍ବରେ ଚାଲୁଛି ଉତ୍ତର ରେଳବାଇର ୩୪ ଟ୍ରେନ ।
ଖାଲି ସେତିକି ନୁହେଁ ୬ ରାଜ୍ୟକୁ ରେଡ୍ ୱାର୍ଣ୍ଣି । ପଞ୍ଜାବ, ହରିୟାଣା, ଦିଲ୍ଲୀ,ରାଜସ୍ଥାନ, ଉତ୍ତରପ୍ରଦେଶ ଓ ବିହାର ପାଇଁ ସତର୍କ ସୂଚନା ଜାରି କରିଛି ପାଣିପାଗ ବିଭାଗ । ହରିୟାଣାର ୧୬ ଓ ପଞ୍ଜାବର ୧୮ ଜିଲ୍ଲାରେ ରେଡ୍ ଆଲର୍ଟ । ତେବେ ୨ ଓ ୩ ଜାନୁଆରୀରେ କୁଆପଥର ସହ ବର୍ଷା ମଧ୍ୟ ହୋଇପାରେ ବୋଲି ପୂର୍ବାନୁମାନ କରିଛି ପାଣିପାଗ କେନ୍ଦ୍ର ।
