ଟେଟ୍ରା ପ୍ୟାକ୍ ରେ ମଦ ମିଳିବା ନିଷ୍ପତ୍ତି ଚିନ୍ତାଜନକ । ଏ ଗବେଷଣା ଯଦି ଶିକ୍ଷା, ସ୍ବାସ୍ଥ୍ୟ, ନିଯୁକ୍ତି, ଗମନାଗମନ, ଦୁର୍ନୀତି ମୁକ୍ତ ଓଡିଶାର ଗଠନ ପାଇଁ ସରକାର କରିଥିଲେ ପ୍ରଶଂସାର ପାତ୍ର ହୋଇଥାଆନ୍ତେ । ନବୀନ ପଟ୍ଟନାୟକଙ୍କ ୪୫ ଟି ଯୋଜନାକୁ କପି ପେଷ୍ଟ କରି ସରକାର ଚଳେଇଛି ବିଜେପି । ମଦ ମୁକ୍ତ ଓଡିଶାର କଥା କହି ସରକାରକୁ ଆସିବା ପରେ ଏବେ ମଦ ଯୁକ୍ତ ଓଡ଼ିଶା ଗଠନ କରୁଛି ବିଜେପି ସରକାର ବୋଲି କହି ବର୍ଷିଛି ବିଜେଡି ରାଜ୍ୟ ଯୁବ ସଭାପତି । ଧାର୍ମିକ ଅନୁଷ୍ଠାନ ପାଖରେ ୭୦ ଟି ମଦ ଦୋକାନ ବନ୍ଦ ଥିଲା, ସରକାର ତାକୁ ଖୋଲିଲେ । ଚିକିଟି ମଦ ମୃତ୍ୟୁର ରିପୋର୍ଟ ଏପର୍ଯ୍ୟନ୍ତ ଆସିଲା ନାହିଁ। ସରକାର ଟେଟ୍ରା ପ୍ୟାକ୍ କୁ ଅନଲାଇନରେ ଉପଲବ୍ଧ କରେଇ ଦିଅନ୍ତୁ କହି କଟାକ୍ଷ କରିଛନ୍ତି ରାଜ୍ୟ ଯୁବ ବିଜେଡି ସଭାପତି ଚିନ୍ମୟ ସାହୁ । ଏବେ ଟେଟ୍ରା ପ୍ୟାକ୍ ଲୋକ ପିଇକି ରାସ୍ତାଘାଟରେ ପକେଇବେ । ପ୍ରଦୂଷଣ ବଢିବ । ସ୍କୁଲ କଲେଜ ପିଲା ଏବେ ନିଶାସକ୍ତ ହେବେ । ଚଳିତ ବଜେଟରେ ଯୁବକଙ୍କ ପାଇଁ କିଛି ନାହିଁ। ଓଡ଼ିଶାରେ ଜନ୍ମନେବାକୁ ଥିବା ପିଲାଙ୍କ ମୁଣ୍ଡରେ ୩୦ ହଜାର ଟଙ୍କା ରୁଣ । ଓଡ଼ିଶା ଏବେ ତଳିତଳାନ୍ତ ହେବାକୁ ଗଲାଣି। ପଞ୍ଚାୟତ ନିର୍ବାଚନରେ ଲୋକେ ଠିକ୍ ଜବାବ ଦେବେ ବୋଲି କହିଛନ୍ତି ଯୁବ ବିଜେଡି ସଭାପତି ଚିନ୍ମୟ ସାହୁ ।
