ନଥିଙ୍ଗର ସବ-ବ୍ରାଣ୍ଡ CMF ଭାରତରେ ନିଜର ନୂଆ ହେଡଫୋନ CMF ହେଡଫୋନ ପ୍ରୋ ଲଞ୍ଚ କରିଛି । ଏହାର ଦାମ୍ ୭,୯୯୯ ଟଙ୍କା ରଖାଯାଇଛି । ମାତ୍ର ଜାନୁଆରୀ ୨୦ରୁ ଏହା ଖାସ୍ ଲଞ୍ଚ ଅଫର କାରଣରୁ ୬,୯୯୯ ଟଙ୍କାରେ ଉପଲବ୍ଧ ହେବ । ଏହି ହେଡଫୋନ୍ସରେ ଆକ୍ଟିଭ ନଏଜ୍ କ୍ୟାନ୍ସଲେସନ ଦିଆଯାଇଛି, ଯାହା ଆଖପାଖାର ସାଉଣ୍ଡକୁ ୪୦dB ପର୍ଯ୍ୟନ୍ତ କମ୍ କରିପାରେ । ଏଥରେ ଅଲଗା ଅଲଗା ଲେବଲ ଚୟନ କରିବାର ବିକଳ୍ପ ମଧ୍ୟ ମିଳିବ । ଏହି ହେଡଫୋନ ଫ୍ଲିପକର୍ଟ ଓ ବଛା ବଛା ଅଫଲାଇନ ରିଟେଲ ଷ୍ଟୋର୍ସରେ ବିକ୍ରି ପାଇଁ ମିଳିବ । ଗ୍ରାହକମାନେ ଏହାକୁ Dark Grey, Light Green ଓ Light Grey ରଙ୍ଗରେ କ୍ରୟ କରିପାରିବେ ।
ହେଡଫୋନରେ ANC ବା ଆକ୍ଟିଭ ନଏଜ କ୍ୟାନ୍ସଲେସନର ସପୋର୍ଟ ମିଳିବ । CMF ମୁତାବକ, ହେଡଫୋନ ପ୍ରୋ ତାଙ୍କର ପ୍ରଥମ ଓଭର-ଇୟର ଓ୍ବାୟରଲେସ ହେଡଫୋନ, ଯାହାକି ଏଏନସି ସହ ଆସିଥାଏ । ଏଥିରେ ୪୦ ଏମଏମସହ ନିକେଲ-ପ୍ଲେଟେଡ ଡ୍ରାଇଭର୍ସ ଦିଆଯାଇଛି । ଏହ ହାଇବ୍ରିଡ ଆଡପ୍ଟିଭ ANC ସପୋର୍ଟ କରିଥାଏ, ଯାହା ଆଖପାଖର ଧ୍ବନିକୁ ୪୦ ଡିବି ପର୍ଯ୍ୟନ୍ତ କମ୍ କରିପାରେ । ଭଲ ସାଉଣ୍ଡ ପାଇଁ ଏଥିରେ ସିନେମା ଓ କନସର୍ଟ ପରି Spatial Audio ମୋଡ଼ ମଧ୍ୟ ମିଳିଥାଏ । ଏହା LDAC ଓ Hi-Res Audioକୁ ମଧ୍ୟ ସପୋର୍ଟ କରିଥାଏ ।
