ନନ୍ଦିଘୋଷ ବ୍ୟୁରା: ବିହାରରେ କଂଗ୍ରେସର ଦମଦାର ପ୍ରଦର୍ଶନ। ଆଜି ରାଲିର ତୃତୀୟ ଦିନ। ଗତକାଲି ଦ୍ଵିତୀୟ ଦିନରେ ବିହାର ଔରାଙ୍ଗାବାଦରେ ଭୋଟ ଅଧିକାର ଯାତ୍ରା। ଏଥିରେ ସାମିଲ ହୋଇଥିଲେ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧି ଓ ବିହାର ବିଧାନସଭାରେ ବିରୋଧୀ ଦଳ ନେତା ତେଜସ୍ବୀ ଯାଦବ। ଔରାଙ୍ଗାବାଦରେ ଚାଲିଥିବା ଅଭିଯାନରେ ସାମିଲ ହୋଇଛନ୍ତି ହଜାର ହଜାର କର୍ମୀ। ସାସାରାମରୁ ଏକ ଭରପୂର ସମାବେଶରେ ଆରମ୍ଭ ହୋଇଥିଲା ଭୋଟ ଅଧିକାର ଯାତ୍ରା। ମହାରାଷ୍ଟ୍ର, କର୍ଣ୍ଣାଟକ ଆଦି ରାଜ୍ୟରେ ଭୋଟ ଗଡ଼ବଡି ନେଇ ଇସିଆଇଙ୍କୁ ଟାର୍ଗେଟ କରିଥିଲେ ରାହୁଲ। ରାହୁଲ କହିଥିଲେ ନିର୍ବାଚନରେ ବ୍ୟାପକ ଭୋଟ ଗଡ଼ବଡି ହୋଇଥିଲା। ଭିଡିଓଗ୍ରାଫି ମାଗିଲା ପରେ ବି ଇସି ତାହା ଦେଇ ନଥିଲେ।
ସେହିପରି ଏଆଇସିସି ସଭାପତ ମଲ୍ଲିକାର୍ଜୁନ ଖଡଗେ କହିଥିଲେ- ଭୋଟ ଅଧିକାର ସମ୍ବିଧାନ ପ୍ରଦତ୍ତ ଅଧିକାର। ଏହି ଅଧିକାରରୁ କାହାରିକୁ ବଞ୍ଚିତ କରାଯାଇପାରିବ ନାହିଁ। ଏହାସହ ବିହାରରେ ଭୋଟ ଚୋରି ପ୍ରସଙ୍ଗରେ ଇସିଆଇଙ୍କ ଉପରେ ବର୍ଷିଥିଲେ ଖଡଗେ। ବିହାରରେ ଭୋଟଚୋରି, ବିକାଶ, ଆଇନଶୃଙ୍ଖଳା, ହତ୍ୟା, ଅପହରଣ ପ୍ରସଙ୍ଗ ନେଇ ଏନଡିଏ ସରକାରଙ୍କୁ ଟାର୍ଗେଟ କରୁଛନ୍ତି ବିରୋଧୀ। କଂଗ୍ରେସର ଏହି ଯାତ୍ରା ଆସନ୍ତା ସେପ୍ଟେମ୍ବର ୧ରେ ଶେଷ ହେବ ଏବଂ ସେହି ଦିନ ପାଟନା ଗାନ୍ଧି ମଇଦାନରେ ମେଗା ସମାବେଶ ହେବ।
