ଭୁବନେଶ୍ୱର: ଏପିଜେ ଅବଦୁଲ କଲାମ ଦ୍ବୀପରୁ ଭାରତ ପରୀକ୍ଷା କଲା ଫେଜ-୨ ବାଲିଷ୍ଟିକ ମିସାଇଲ ଡିଫେନ୍ସ ବା ବିଏମଡି ଇଣ୍ଟରସେପ୍ଟର ଏଡି-୧ । ଏହି ଦୂରଗାମୀ କ୍ଷେପଣାସ୍ତ୍ର ଭାରତକୁ ପ୍ରତିରକ୍ଷାକ୍ଷେତ୍ରରେ ଅଧିକ ଶକ୍ତିଶାଳୀ କରିଛି । ବିଏମଡି ଓ୍ବିପନ ସିଷ୍ଟମ ଜରିଆରେ ଏହାର ସଫଳ ପରୀକ୍ଷଣ କରାଯାଇଛି । ଏଡି-୧ ଏକ ଦୂରଗାମୀ ଇଣ୍ଟରସେପ୍ଟର ମିସାଇଲ ।
ଏହି କ୍ଷେପଣାସ୍ତ୍ର ବାୟୁମଣ୍ଡଳ ବାହାରେ ଓ ବାୟୁମଣ୍ଡଳ ଭିତରେ ପ୍ରୟୋଗ ହୋଇପାରିବ । ଟୁ-ଷ୍ଟେଜ ସଲିଡ ମୋଟର ଜରିଆରେ ଏହାର ଉତକ୍ଷେପଣ ହୋଇଥିଲା । ଏଥିରେ ସ୍ବଦେଶୀ ନିର୍ମିତ ଅତ୍ୟାଧୁନିକ କଣ୍ଟ୍ରୋଲ ବ୍ୟବସ୍ଥା ରହିଛି । ଗତ ମାସରେ ଭାରତ ନ୍ୟୁ ଜେନେରେସନ ମଧ୍ୟମ ଦୂରଗାମୀ କ୍ଷେପଣାସ୍ତ୍ର ଅଗ୍ନି ପ୍ରାଇମର ସଫଳ ପରୀକ୍ଷା ହୋଇଥିଲା ।
