ଇସଲାମାବାଦ: ପାକିସ୍ତାନ ଚାହୁଁଛି ଯେ ଭାରତ ସେଠାରେ ICC ଚାମ୍ପିଅନଶିପ ଟ୍ରଫି ଖେଳୁ । ଭାରତକୁ ରାଜି କରାଇବା ପାଇଁ ପାକିସ୍ତାନ ଯଥାସମ୍ଭବ ପ୍ରୟାସ ଜାରି ରଖିଛି । ଅନ୍ୟପଟେ ପାକିସ୍ତାନରେ ଖୁଲମଖୁଲା ବୁଲୁଛନ୍ତି ଆତଙ୍କବାଦୀ । ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ଜକିଉର ରେହମାନ ଲଖବୀର ଏକ ଏପରି ଭିଡିଓ ଭାଇରାଲ ହେଉଛି ଯାହାପରେ ପାକିସ୍ତାନର ସବୁ ମିଛ ଧରାପଡିଛି ।
ଜକିଉରକୁ ଭିଭିଆଇପି ସେବା ଯୋଗାଉଛି ପାକିସ୍ତାନ । ଫିଟନେସ୍ ଟ୍ରେନର୍ଙ୍କ ଦେଖାଶୁଣାରେ ବ୍ୟାୟାମ କରୁଛି ଜକିଉର । ଦୁନିଆକୁ ଦେଖାଇବା ପାଇଁ ଜକିଉରକୁ ପାକିସ୍ତାନ ଜେଲ ପଠାଇଥିଲା ସେ ଏବେ ଖୁଲମଖୁଲା ଲାହୋର ଓ ରାୱଲପିଣ୍ଡିରେ ବୁଲୁଛି । ସଂଯୁକ୍ତ ରାଷ୍ଟ୍ର ସଂଘ ତାକୁ ଆତଙ୍କବାଦୀ ଘୋଷଣା କରିଛି । ୨୬\୧୧ ଆକ୍ରମଣ ପାଇଁ ପାକିସ୍ତାନ ଲଖବିକୁ ଗିରଫ କରିବା ପରେ ଅଦାଲତରୁ ତାକୁ ଜାମିନ ମିଳିଛି । କିନ୍ତୁ ୪ ବର୍ଷ ପୂର୍ବରୁ ପାକିସ୍ତାନର ଏକ କୋର୍ଟ ଟେରର ଫଣ୍ଡିଂ ମାମଲାରେ ଜକିଉରକୁ ୧୫ ବର୍ଷ ସଜା ଶୁଣାଇଥିଲା । କିନ୍ତୁ ଏବେ ଲଖବି ଖୁଲମଖୁଲା ପଦାରେ ବୁଲିବା ପାକିସ୍ତାନର ଅସଲ ଚେହେରାକୁ ପଦାରେ ପକାଇଛି ।
ଏଭଳି କ୍ଷେତ୍ରରେ ଭାରତ ଚାମ୍ପିଅନ୍ସ ଟ୍ରଫି ଖେଳିବା ପାଇଁ ପାକିସ୍ତାନ ଯିବା ଆଶା ମଳିନ ପଡିଛି ।
