ଚାନ୍ଦବାଲି: ନାଚୁଛନ୍ତି ପିଲା, ନିଘୋଡ ନିଦରେ ସାର୍। ଗୀତର ତାଳେ ତାଳେ ନାଚି ପିଲା ମସଗୁଲ। କିନ୍ତୁ କେଖିବାକୁ କେହି ନାହିଁ। ଚାନ୍ଦବାଲି ଗୋପୀନାଥପୁର ବାଲିପଦା ପ୍ରକଳ୍ପ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଏ ଦୃଶ୍ଯ। ମଧ୍ୟାହ୍ନ ଭୋଜନ ପରେ ପିଲାମାନଙ୍କୁ ନାଚିବାକୁ କହି ସାର ବିଶ୍ରାମ ନେଉଛନ୍ତି। କିଛି ପିଲା ଶ୍ରେଣୀଗୃହରେ ମଜାମସ୍ତି କରୁଥିବାର ଦେଖିବାକୁ ମିଳିଛି। ଯିଏ ଯାହା ବାଟରେ କିନ୍ତୁ ସାରଙ୍କର ଟିକେ ଆଖି ଲାଗିଯାଇଛି । ଖାଇ ସାରି ସେ ନିଦ୍ରାରେ।
ଗାଁର କିଛି ଯୁବକ ସ୍କୁଲର ଭିଡିଓ ସୁଟିଂ କରି ସାମାଜିକ ଗଣମାଧ୍ୟମରେ ସେୟାର କରିବା ପରେ ଶିକ୍ଷା ବ୍ଯବସ୍ଥାର ଏ ବିକଳ ଚିତ୍ର ସାମ୍ନାକୁ ଆସିଛି। ଭିଡିଓ ଦେଖି ଅନେକ ଅଭିଭାବକ ଅସନ୍ତୋଷ ବ୍ଯକ୍ତ କରିଛନ୍ତି। ପିଲାଙ୍କ ଭବିଷ୍ୟତ ଗଢିବା ପାଇଁ ସରକାର କୋଟି କୋଟି ଟଙ୍କା ଟଙ୍କା ଖର୍ଚ୍ଚ କରୁଥିବା ବେଳେ ସରକାରୀ ବିଦ୍ଯାଳୟର ଏ ସ୍ଥିତି ଦେଖି ଚିନ୍ତାରେ ଅଞ୍ଚଳବାସୀ।
