ଗଞ୍ଜାମ: ଦଣ୍ଡ ନାଚ ପାଇଁ ପ୍ରତିବନ୍ଧକ ଲଗାଇଲେ ଗଞ୍ଜାମ ଜିଲ୍ଲା ପ୍ରଶାସନ । ଜିଲ୍ଲାରେ କୋଭିଡ ସଂକ୍ରମଣ ବଢୁଥିବାରୁ ଏହାକୁ ଦୃଷ୍ଟିରେ ରଖି ଜିଲ୍ଲାପାଳ ଏହି ନିଷ୍ପତି ନେଇଛନ୍ତି । ପ୍ରଶାସନର ଜାରି କରିଥିବା କଟକଣା ଅନୁଯାୟୀ ସର୍ବାଧିକ ୨୫ ଲୋକ ଦଣ୍ଡନାଚରେ ସାମିଲ୍ ହୋଇପାରିବେ ।
ସେହିପରି ରାତିରେ ପ୍ରତିବର୍ଷ ହେଉଥିବା ସାଂସ୍କୃତିକ କାର୍ଯ୍ୟକ୍ରମକୁ ମନା କରାଯାଇଛି । ତାରାତାରିଣୀ ମନ୍ଦିର ଓ ପାହାଡ଼ ତଳେ ପ୍ରତିବର୍ଷ ଚୁଟି ପକାଯାଉଥିବାରୁ ଏହାକୁ ମଧ୍ୟ ବାରଣ କରିଛି ଜିଲ୍ଲା ପ୍ରଶାସନ । ସେହିପରି ଦଣ୍ଡନାଚରେ ଶାରିରୀକ ଦୂରତା ରକ୍ଷା ପାଇଁ ନିର୍ଦେଶକରିବା ସହ ଦୋକାନୀ ମାନେ ପଞ୍ଚସୂତୟ ନିର୍ଦେଶାବଳୀ ମାନିବାକୁ ନିର୍ଦ୍ଦେଶ ଦିଆଯାଇଛି ।
ଜାନୁଆରୀ ପହିଲାରୁ ରାଜ୍ୟରେ କୋଭିଡ ସଂକ୍ରମଣ ବୃଦ୍ଧି ଘଟୁଛି । ବିଶେଷକରି ସୀମାନ୍ତବର୍ତ୍ତି ଜିଲ୍ଲା ଗୁଡିକରେ ଏହି ମାମଲା ବଢିବାରେ ଲାଗିଛି । ଫଳରେ ଜିଲ୍ଲା ପ୍ରଶାସନ ଅନେକ ପଦକ୍ଷେପ ମାନ ଗ୍ରହଣ କରିଛି । ସେପଟେ ରାଜ୍ୟ ସରକାର ଆଜି ୧୦ ଜିଲ୍ଲାରେ ରାତ୍ରି୍ କାଳୀନ କର୍ଫ୍ୟୁ ଲଗାଇବାକୁ ନିଷ୍ପତି ନେଇଛନ୍ତି ।
