ସମ୍ବଲପୁର: ହାତୀ ଆକ୍ରମଣରେ ଦୁଇ ମୃତ । କକା ପୁତୁରାଙ୍କୁ ଦଳିଦେଲା ହାତୀ । ସମ୍ବଲପୁର ଜିଲ୍ଲା ରେଢାଖୋଲ ରେଂଜ ଖୋଲଗଡ ସଂରକ୍ଷିତ ଜଙ୍ଗଲରେ ଏପରି ଏକ ଅଭାବନୀୟ ଘଟଣା ଘଟିଛି । ଡିମିରିକୁଦା ଗାଁର କକା ଦୁଃଶାସନ ଭୋଇ ୫ ବର୍ଷର ପୁତୁରାକୁ ନେଇ କୌଣସି ଏକ ସ୍ଥାନକୁ ସାଇକେଲରେ ଯାଉଥିଲେ । ହେଲେ ତାଙ୍କୁ ଖୋଲଗଡ ସଂରକ୍ଷିତ ଜଙ୍ଗଲ ନିକଟରେ ହାତୀ ଆକ୍ରମଣ କରିଥିଲା ।
ମିଳିଥିବା ସୂଚନା ମୁତବାକ ଗତକାଲିଠୁ ଉଭୟ କକା-ପୁତୁରା ନିଖୋଜ ଥିଲେ । ବହୁ ଖୋଜାଖୋଜି ପରେ ପରିବାର ଲୋକ ପାଇନଥିଲେ । ଆଜି ପୁନଶ୍ଟ ଖୋଜିବାକୁ ପରିବାର ଓ ଗାଁ ଲୋକ ଜଙ୍ଗଲକୁ ଯାଇଥିବାବେଳେ ଉଭୟଙ୍କୁ ମୃତ ଦେହ ଠାବ କରିଥିଲେ । ଜଙ୍ଗଲରେ ହାତୀ ଆକ୍ରମଣରେ ଉଭୟଙ୍କ ମୃତ୍ୟୁ ହୋଇଥିବାବେଳେ ପାଖରେ ହାତୀ ଏପର୍ଯ୍ୟନ୍ତ ଜଗି ରହିଥିବା ଦେଖିବାକୁ ମିଳିଛି । ସେପଟେ ଘଟଣାସ୍ଥଳରେ ବନବିଭାଗ ଆସି ପହଁଚିଛି ।
