ୱାଶିଂଟନ: ଗଲ୍ଫ କୋର୍ସରେ ଡୋନାଲଡ ଟ୍ରମ୍ପଙ୍କୁ ଗୁଳିମାଡ। ଟ୍ରମ୍ପ ଗଲଫ ଖେଳୁଥିବା ବେଳେ ଏହି ଗୁଳିକାଣ୍ଡ ହୋଇଛି। ଟ୍ରମ୍ପ ସୁରକ୍ଷିତ ଥିବା ତାଙ୍କ ଟିମ୍ ପକ୍ଷରୁ କୁହାଯାଇଛି। ଫ୍ଲୋରିଡ଼ାର ୱେଷ୍ଟ ପାମ୍ ବିଚ୍ ନିକଟରେ ଏହି ଘଟଣା ଘଟିଛି। ସେଠାରେ ଟ୍ରମ୍ପ ଗଲ୍ଫ ଖେଳୁଥିଲେ। ଗୁଳିକାଣ୍ଡ ନେଇ ଜଣକୁ ଅଟକ ରଖାଯାଇଛି।
ପ୍ରକୃତରେ ଟ୍ରମ୍ପଙ୍କୁ ହତ୍ଯା ଉଦ୍ଯମ ହୋଇଥିଲା କି ନାହିଁ, ସେ ନେଇ ତଦନ୍ତ କରୁଛି ପୋଲିସ। କିଏ ଗୁଳି ଚଳାଇଥିଲା, କାରଣ କଣ କିଛି ସ୍ପଷ୍ଟ ହୋଇନାହିଁ। ସିକ୍ରେଟ ସର୍ଭିସର ସୁରକ୍ଷା ବଳୟରେ ଅଛନ୍ତି ଟ୍ରମ୍ପ୍। ଏହା ଆଗରୁ ମଧ୍ୟ ଥରେ ତାଙ୍କ ଉପରେ ଆକ୍ରମଣ ହୋଇଥିଲା। ପ୍ରଚାର ବେଳେ ତାଙ୍କୁ ଗୁଳି କରାଯାଇଥିଲା। କିନ୍ତୁ କାନକୁ ଛୁଇଁ ଗୁଳି ଚାଲି ଯାଇଥିବାରୁ ବର୍ତ୍ତି ଯାଇଥିଲେ ଟ୍ରମ୍ପ।
