ବିଶ୍ବର ସବୁଠାରୁ ବଡ଼ ଧନୀ ବ୍ୟକ୍ତି ଏଲନ ମସ୍କ ନୂଆ ମେସେଜିଂ ସର୍ଭିସ ଲଞ୍ଚ କରିଛନ୍ତି । ଏହା ନାମ X Chat ରହିଥିବା ବେଳେ ସୋସିଆଲ ମିଡ଼ିଆ ପ୍ଲାଟଫର୍ମ X ରେ ହିଁ ଏହାକୁ ବ୍ୟବହାର କରିପାରିବେ । ଚ୍ୟାଟ ସର୍ଭିସର ୟୁଜ କରି ମେସେଜିଂ ଆପ ହ୍ବାଟସଆପ ଓ ଦେଶୀ ଆପ ଆରାଟ୍ଟାଇକୁ ଟକ୍କର ଦେବା ଲକ୍ଷ୍ୟରେ ରହିଛି ଏକ୍ସ । ଏହି ମେସେଜିଂ ସର୍ଭିସକୁ କିଛି ନୂଆ ଫିଚର୍ସ ସହିତ ଉପସ୍ଥାପନ କରାଯାଇଛି । ଏଥିରେ ଏଣ୍ଡ ଟୁ ଏଣ୍ଡ ଇନକ୍ରିପ୍ସନ, ଆଡଭାନ୍ସ ମେସେଜିଂ କଣ୍ଟ୍ରୋଲ ଓ ଅଲଗା ମେସେଜିଂ ଇନବକ୍ସ ମିଳିବ । ଏହି ଫିଚର ଆସିବା ପରେ ମଧ୍ୟ ୟୁଜର୍ସ ଡିଏମ ଓ ନ୍ୟୁ ମେସେଜିଂ ସର୍ଭିସ ଅଧୀନରେ ମିଳୁଥିବା ମେସେଜକୁ ଅଲଗା ଅଲଗା ଦେଖିପାରିବେ । ଏକ୍ସ ଏକ ପୂରା ନ୍ୟୁ କମ୍ୟୁନିକେସନ ସର୍ଭିସ ସହ ଆରମ୍ଭ ହୋଇଛି ବୋଲି ମସ୍କ କହିଛନ୍ତି । ଏନକ୍ରିପ୍ସନ ସହ ମେସେଜିଂ, ଅଡିଓ, ଭିଡିଓ ଓ ଫାଇଲ ଟ୍ରାନ୍ସଫର କରିହେବ । ଏଥିସହିତ ଖୁବଶୀଘ୍ର ଏକ୍ସ ମନି ଜାରି ହେବ ବୋଲି ସେ କହିଛନ୍ତି । ଏହା ଏକ ମନି ଟ୍ରାନ୍ସଫର ସର୍ଭିସ ହେବ । ଏକ୍ସ ମନିକୁ ଭାରତରେ ଲଞ୍ଚ କରାଯିବ କି ନାହିଁ ସେ ତାହା କହି ନାହାନ୍ତି । ଭାରତରେ ମନି ଟ୍ରାନ୍ସଫର ସୁବିଧା ପ୍ରଦାନ କରୁଥିବା ବହୁ ଆପ୍ସ ରହିଛି । ଲକ୍ସ ଚାଟକୁ ଏବେ କେବଳ iOS ଓ ଓ୍ବେବ ଭର୍ସନରେ ଲାଗୁ କରାଯାଇଛି । ଖୁବଶୀଘ୍ର ଏହାକୁ ଆଣ୍ଡ୍ରଏଡ ପାଇଁ ଜାରି କରାଯିବ ।
