ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସ୍ବାସ୍ଥ୍ୟାବସ୍ଥାକୁ ନେଇ ଚର୍ଚ୍ଚା ବଢ଼ୁଥିବା ବେଳେ ଏହା ମଧ୍ୟରେ ତାଙ୍କର ପୁଅମାନେ ପିତା ଜୀବିତ ଥିବାର ପ୍ରମାଣ ମାଗିଛନ୍ତି । ସେମାନେ ଦାବି କରିଛନ୍ତି, କୋର୍ଟଙ୍କ ଆଦେଶ ମୁତାବକ ପ୍ରତି ସପ୍ତାହରେ ସାକ୍ଷାତ କରିବାର ଅନୁମତି ରହିଛି । ଏହା ପରେ ବି ତାଙ୍କର ପିତାଙ୍କୁ ସାକ୍ଷାତ କରିବାର କୌଣସି ଅନୁମତି ମିଳିନାହିଁ । ତାଙ୍କ ପିତାଙ୍କ ସହ ଏପରି କିଛି କରାଯାଇଛି, ଯାହା ଠିକ୍ ହୋଇପାରିବନି ବୋଲି ପୁଅମାନେ ଆଶଙ୍କା ବ୍ୟକ୍ତ କରୁଛନ୍ତି । ଇମ୍ରାନଙ୍କୁ ନେଇ ଶହବାଜ ଶରିଫଙ୍କ ନେତୃତ୍ବାଧୀନ ସରକାର ଚିନ୍ତାରେ ରହିଛନ୍ତି ବୋଲି କାସିମ ଖାନ କହିଛନ୍ତି ।
ପରିବାର ପକ୍ଷରୁ ଅଭିଯୋଗ କରାଯାଇଛି ଯେ, କିଛି ମାସ ଧରି ଇମ୍ରାନଙ୍କ ସହ କୌଣସି ଯାଞ୍ଚ ପୂର୍ଣ୍ଣ ସାକ୍ଷାତ ହୋଇନାହିଁ । ୨୦୨୩ ମସିହା ଅଗଷ୍ଟ ମାସରୁ ଇମ୍ରାନ ଜେଲରେ ରହିଛନ୍ତି । ଇମ୍ରାନଙ୍କୁ ନେଇ ଆସୁଥିବା ଗୁଜବକୁ ନେଇ ପରିବାର ଚିନ୍ତାରେ ରହିଛନ୍ତି । ଇମ୍ରାନଙ୍କ ବିରୋଧରେ ଡଜନରୁ ଅଧିକ ମାମଲା ରହିଛି । ଏହି ସବୁ ମାମଲା ରାଜନୀତି ପ୍ରଣୋଧିତ ଓ ଏହା ପଛରେ ପାକିସ୍ତାନର ସେନାର ହାତ ରହିଛି । ଅନିଶ୍ଚିତତା ଓ କଥାବାର୍ତ୍ତା ନ ହୋଇ ପାରିବା ତାଙ୍କ ପରିବାର ପାଇଁ ‘ସାଇକୋଲୋଜିକାଲ ଟର୍ଚର’ର କାରଣ ବୋଲି କାସିମ ଖାନ କହିଛନ୍ତି । ପିତା ସୁରକ୍ଷିତ ଓ ଜୀବିତ ଥିବା ପରିବାର ଜାଣିବାକୁ ଚାହୁଁଛନ୍ତି । ଇମ୍ରାନଙ୍କୁ ନେଇ କିଛି ଲୁଚାଯାଉଥିବା ପରିବାର ପକ୍ଷରୁ ଅଭିଯୋଗ କରାଯାଇଛି ।
